Christmas 2022: श्वेता तिवारी करतेय ख्रिसमसची तयारी; लेकीने शेअर केले खास फोटो

काही दिवसातच नवीन वर्ष सुरू होणार असून सध्या सगळीकडे ख्रिसमसच्या तयारीची लगबग पाहायला मिळत आहे. हिंदी टेलिव्हिजन विश्वातील लोकप्रिय अभिनेत्री श्वेता तिवारीदेखील आपली मुलगी पलक आणि मुलगा रेयांश यांच्याबरोबर ख्रिसमसची तयारी करते आहे. श्वेता प्रमाणेच तिची मुलगी पलक तिवारीही अतिशय सुंदर असून सौंदर्याच्या बाबतीत तिने आपल्या आईलाही मागे टाकले आहे. पलक तिवारीने आपल्या सोशल मीडिया अकाऊंटवर यासंबंधीचे काही फोटो शेअर केले आहेत. यामध्ये श्वेता आपल्या मुलांसह मजामस्ती करताना दिसत आहे. श्वेता आणि पलक यावेळी ख्रिसमस ट्रीच्या शेजारी पोज देत आहेत. यावेळी तिघांनीही सॅन्टा कॅप घातल्या आहेत. ख्रिसमस सण साजरा करत असतानाचे फोटो शेअर करताना पलकने आपल्या कॅप्शनमध्ये लिहिलंय "ख्रिसमस मूड." या तिघांनी मिळून आपले घर आणि ख्रिसमस ट्रीला सुंदर सजवले आहे. यावेळी ते वेगवेगळे खेळही खेळत आहेत. पलकचे घर पूर्णपणे ख्रिसमसचा फील देत आहे. पलक दरवर्षी तिचे घर अशाच प्रकारे सजवते आणि फोटोही शेअर करते. हे तिघेही ख्रिसमस लूकमध्ये खूपच सुंदर दिसत आहेत. (सर्व फोटो: Instagram)