“माझ्या मुलाने तो बोल्ड सीन पाहिला अन् वाढदिवशीच…” ट्विंकल खन्नाने केलेला मोठा खुलासा

बॉलिवूडचा खिलाडी कुमार म्हणजेच अक्षय कुमारची पत्नी ट्विंकल खन्नाचा आज वाढदिवस आहे. ट्विंकल ही सिनेसृष्टीत सक्रिय नसली तरी ती कोणत्या ना कोणत्या कारणामुळे चर्चेत असते. ट्विंकलला अभिनयात फारसं यश मिळालं नसलं तरी लिखाणात तिने नाव कामावलं आहे. एखादा पुस्तक तसेच एखाद्या मॅगजीनमध्ये सदर लिहिणं यामधून तिने स्वतःची ओळख निर्माण केली आहे. ट्विंकल ही तिच्या लिखाणातून कायमच ठामपण तिचे विचार मांडत असते. ट्विंकल गेल्या २० वर्षांपासून चित्रपटांपासून दूर आहे. तिने १९९५ साली ‘बरसात’ चित्रपटात बॉबी देओलबरोबर अभिनय करत बॉलिवूडमध्ये पदार्पण केलं होतं. त्यानंतर तिने ‘मेला’ आणि ‘इतिहास’ यांसारख्या चित्रपटांमध्ये काम केलं. २००१नंतर तिने चित्रपटांमध्ये काम करणं बंद केलं. ट्विंकल आणि तिचा पती अभिनेता अक्षय कुमार यांना मुलगी नितारा आणि मुलगा आरव ही दोन अपत्ये आहेत. काही वर्षांपूर्वी मिड- डे या वृत्तपत्राला दिलेल्या मुलाखतीत ट्विंकलने तिने चित्रपटात दिलेल्या बोल्ड सीनबद्दल मुलांना काय वाटते? याबद्दल सांगितले होते. "मी माझ्या मुलांना माझे चित्रपट पाहू देत नाही. माझा मुलगा आरव अनेकदा माझ्या चित्रपटांची खिल्ली उडवतो." "‘जान’ चित्रपटामध्ये एक सीन आहे. जिथे मी अजय देवगणच्या छातीचे चुंबन घेत आहे. एकदा माझा मुलगा तोच सीन पुन्हा पुन्हा पाहत होता." "एकदा तर माझ्या मुलाने माझ्या वाढदिवसासाठी या व्हिडीओचा कोलाज बनवला. तो खरंच मूर्ख आहे." "मला वाटत नाही की माझ्या या ‘उत्कृष्ट’ फिल्मी करिअरला माझ्या कुटुंबाचं फारसं समर्थन आहे." "नोकरी आणि करिअर यात फरक आहे. मला अभिनय करणं फारसं आवडायचं नाही." राज कंवर दिग्दर्शित ‘जान’ चित्रपट १९९६ मध्ये रिलीज झाला. यात अजय देवगण मुख्य भूमिकेत होता. ट्विंकलचा शेवटचा चित्रपट २००१ साली आलेला ‘लव्ह के लिए कुछ भी करेगा’ होता. त्यानंतर तिने चित्रपटांमध्ये काम केलं नाही.