Photos : तिळगुळ घ्या आणि गोड-गोड बोला, मकरसंक्रांतीनिमित्त मराठी कलाकारांचा हटके लूक

सध्या सर्वत्र मकरसंक्रांतची धामधूम पाहायला मिळत आहे. तिळगुळ घ्या आणि गोड-गोड बोला, असे म्हणत तिळगुळ वाटून प्रत्येकाला शुभेच्छा दिल्या जात आहेत. सध्या अनेक सेलिब्रिटीही मोठ्या उत्साहात मकरसंक्रांतीचा सण साजरा करताना दिसत आहे. मकरसंक्रांतीच्या निमित्ताने अनेक कलाकारांनी काळ्या रंगाचे कपडे परिधान केले आहेत. याचे अनेक फोटो या कलाकारांनी शेअर केले आहेत. अभिनेता विराजस कुलकर्णी आणि शिवानी रांगोळे यांची यंदाची पहिलीच मकरसंक्रांत आहे. यानिमित्ताने त्या दोघांनीही हलव्याचे दागिने परिधान करत फोटो पोस्ट केले आहेत. तर अभिनेता हार्दिक जोशी आणि अक्षय देवधर यांनीही काळ्या रंगाचा पोशाख परिधान केला आहे. अभिनेत्री सोनाली कुलकर्णी हिने देखील काळ्या रंगाच्या साडीतील एक गोड फोटो शेअर केला आहे. तर अभिनेत्री माधवी निमकरनेदेखील एक खास फोटो शेअर करत संक्रांतीच्या शुभेच्छा दिल्या आहेत. अभिनेत्री पूजा सावंत हिने हटके अंदाजात चाहत्यांना मकरसंक्रांतीच्या शुभेच्छा दिल्या आहेत. अभिनेत्री अश्विनी महांगडे हिनेदेखील काळ्या रंगाची साडी परिधान करत चाहत्यांना मकरसंक्रांतीच्या शुभेच्छा दिल्या आहेत.