Photos : “…म्हणून सॅम पाठी लागला” बॅकलेस फोटोतील ‘बोल्ड’ लूकवरून ‘दृश्यम २’ फेम अभिनेत्री ट्रोल

अजय देवगण मुख्य भूमिकेत असलेला ‘दृश्यम २’ हा चित्रपट चांगलाच गाजला, यात अजयच्या मुलीची भूमिका साकारलेली अभिनेत्री इशिता दत्ता चर्चेत आली आहे. इशिता दत्ता सोशल मीडियावर सक्रीय असते तसेच ती आपली मतं ठामपणे मांडत असते. नुकताच तिने एक बॅकलेस ड्रेसमधला फोटो शेअर केला आहे. ज्यात ती बोल्ड दिसत आहे तिच्या या फोटोवर लोकांनी कमेंट्स वर्षाव केला आहे मात्र तिचं कौतुक कमी तिच्यावर टीका मोठ्या प्रमाणावर झाली आहे. "म्हणूनच सॅम पाठी मागे लागला होता"," गायतोंडेला बोलवू का?" "म्हणून हिने सॅमला मारले " अशा मजेशीर कमेंट्स नेटकऱ्यांनी केल्या आहेत. "खूप सुंदर, वाह," "खूप बोल्ड फोटो आहे," अशाही कमेंट्स आहेत. पहिल्या भागात आणि दुसऱ्या भागातील तिच्या अभिनयाचं कौतुक होत आहे. इशिता दत्त मूळची झारखंडची असून तिने मुंबईत येऊन आपले महाविद्यालयीन शिक्षण पूर्ण केले आहे. तिने तेलगू चित्रपटात काम केले आहे. दृश्यम चित्रपटातून तिने बॉलिवूडमध्ये पदार्पण केले. अभिनेत्री तनुश्री दत्ताची ती बहीण आहे. अभिनेता वत्सल सेठशी तिने आपली लग्नगाठ बांधली आहे. फोटो सौजन्य : इशिता दत्ता इन्स्टाग्राम