Photos : हातात बंदूक, खाकी वर्दी; तब्बूचा ‘भोला’ चित्रपटातला लूक पाहिलात का?

‘दृश्यम २’ चित्रपटाला प्रेक्षकांचा उत्तम प्रतिसाद मिळाला. या चित्रपटात तब्बू एका तडफदार पोलीस अधिकाऱ्याच्या भूमिकेत दिसली. तब्बूने आजवर आपल्या अभिनयामधून लूकमधून प्रेक्षकांचं खास वेधून घेतलं आहे. नुकतीच 'कुत्ते' चित्रपटातदेखील दिसली आहे. 'दृश्यम २'च्या यशानंतर ती आता पुन्हा एका खाकी वर्दीत दिसणार आहे. ती आता भोला चित्रपटातून प्रेक्षकांच्या भेटीस येणार आहे. अजय देवगणने या चित्रपटाचे दिग्दर्शन केले आहे, तसेच तो या चित्रपटात कामदेखील करणार आहे. नुकताच अजय देवगणने चित्रपटातील त्याचा लूक शेअर केला होता आता त्याने तब्बूचा लूक शेअर केला आहे. हातात बंदूक घेऊन तब्बू दिसत आहे. तिच्या चाहत्यांना आता चित्रपटाची उत्सुकता लागून राहिली आहे. या चित्रपटाचे दिग्दर्शन लोकेश कनगराज यांनी केले होते. हा चित्रपट थरारपट असणार आहे. 'भोला' हा तमिळ ब्लॉकबस्टर 'कैथी'चा हिंदी रिमेक आहे. २०१९ मध्ये हा प्रदर्शित झाला होता. हा चित्रपट ३० मार्च २०२३ रोजी चित्रपटगृहात प्रदर्शित होणार आहे. फोटो सौजन्य : तब्बू इन्स्टाग्राम