Gudi Padwa 2023: स्टार प्रवाहच्या मालिकांमध्ये पारंपरिक पद्धतीने गुढीपाडव्याचा सण साजरा

चैत्र शुद्ध प्रतिपदा म्हणजेच गुढीपाडव्याचा सण. मराठी नववर्षाचं दिमाखात स्वागत करण्यासाठी स्टार प्रवाहचा संपूर्ण परिवार सज्ज आहे. 'ठरलं तर मग', 'सुख म्हणजे नक्की काय असतं', 'सहकुटुंब सहपरिवार' आणि 'ठिपक्यांची रांगोळी' मालिकेत पारंपरिक पद्धतीने गुढीपाडवा साजरा होणार आहे. वाहिनीवर सध्या टीआरपीत नंबर वन असलेल्या ‘ठरलं तर मग’ मालिकेमध्ये पारंपरिक पद्धतीने गुढीची पूजा केली जाणार आहे. 'ठरलं तर मग'मध्ये अर्जुन आणि सायलीचा लग्नानंतरचा पहिला गुढीपाडवा असल्याने ते गुढीची पूजा करणार आहेत. 'सहकुटुंब सहपरिवार' मालिकेतील मोरे कुटुंबात दरवर्षी उत्साहात गुढी उभारली जाते. गुढीच्या पुजेची सर्व तयारी पश्या करत असे. यावर्षी मात्र पश्या नाही त्यामुळे पूजा होणार की नाही अश्या विचारत असताना पश्या गुपचूप पुजेची तयारी करुन जातो. त्यामुळे सरु वहिनीला खात्री आहे की पश्या आसपासच आहे. यंदा पश्यासाठी मोरे कुटुंब एकत्र येऊन गुढी उभारणार आहेत. 'सुख म्हणजे नक्की काय असतं' मालिकेतील जयदीप गौरीसाठी यंदाचा गुढीपाडवा खास असणार आहे. दोघांच्या आयुष्यात चिमुकल्या लक्ष्मीचं आगमन झाल्यामुळे लक्ष्मीबरोबर जयदीप-गौरी गुढीपाडवा साजरा करणार आहेत. 'ठिपक्यांची रांगोळी' मालिकेतही कानेटकर कुटुंबाने आनंदाची गुढी उभारली आहे. तेव्हा पाहायला विसरु नका स्टार प्रवाहवरील मालिकांचे गुढीपाडवा विशेष भाग. (सर्व फोटो सौजन्य : स्टार प्रवाह /इन्स्टाग्राम)