अभिनेता नाही तर इमरान हाश्मीला करायचं होतं ‘हे’ काम; शिक्षा म्हणून आला चित्रपटसृष्टीत

बॉलीवूड एक्टर इमरान हाशमीचा आज ४५ वा वाढदिवस आहे. इमरान आज बॉलिवूडमधील सगळ्यात महागडा कलाकार म्हणून ओळखला जातो. कारकिर्दीत त्याने मर्डर, जहर, आशिक बनाया आपने, जन्नत, आवरापन सारखे अनेक उत्तम चित्रपट दिले आहेत, परंतु इमरान हाश्मीने शिक्षा म्हणून चित्रपटांमध्ये प्रवेश केल्याचे फार कमी लोकांना माहिती आहे. इम्रानला ग्राफिक्स डिझायनर बनायचे होते. त्यावेळी इम्रानकडे ना हिरोसारखा लूक आहे ना टॅलेंट. तरीही इम्रानच्य आजीने मुकेश भट्ट यांच्याकडे अॅक्टींग शिकण्यासाठी पाठवले. राज चित्रपटात इमरान हाश्मीला महेश भट्टचे सहाय्यक दिग्दर्शक बनवण्यात आले होते. काही काळानंतर महेश भट्ट यांच्या होम प्रोडक्शन विशेष फिल्म्सच्या बॅनरखाली बनवण्यात येणाऱ्या ये जिंदगी का सफर या चित्रपटात इमरानला नायक म्हणून कास्ट करण्यात आले. शूटिंगदरम्यान इम्रानचा अभिनय खूपच खराब होता, तर इतरांसोबत त्याचा दृष्टिकोनही चांगला नव्हता. याच कारणामुळे त्याला पहिल्याच चित्रपटातून काढून टाकण्यात आले आणि जिमी शेरगिलला त्याची जागा मिळाली. यामुळे इम्रानचा अहंकार इतका दुखावला गेला की त्याने हिरो बनण्याचा निर्णय घेतला. तो रोज सेटवर बसून हिरो बनण्याच्या युक्त्या शिकत असे. इम्रानचे समर्पण पाहून मुकेश भट्ट यांनी त्याला फूटपाथ या चित्रपटात साईन केले. पहिल्या सीनमध्ये इम्रान इतका घाबरला होता की त्याने ४० टेक घेतले. त्याचवेळी डबिंगमधील वादामुळे विक्रम भट्ट यांना त्यांच्या जागी त्यांचा आवाज डब करावा लागला. मर्डर या चित्रपटातून इम्रानला प्रसिद्धी मिळाली आणि पुढे त्याने अनेक हिट चित्रपट दिले.