PHOTOS : एकापाठोपाठ ६ चित्रपट फ्लॉप झाल्यानंतर अशी होती प्रियांका चोप्राची अवस्था, म्हणाली, “माझ्याकडे…”

बॉलीवूड अभिनेत्री प्रियांका चोप्राने चित्रपटसृष्टीत खूप मोठा पल्ला गाठला आहे. प्रियांकाचा हा प्रवास जरी सोपा नसला तरी तिला त्यासाठी खूप संघर्ष आणि मेहनत करावी लागली. प्रियांका चोप्रा आज ग्लोबल स्टार आहे, पण एक काळ असा होता जेव्हा तिची कारकीर्द संपणार असल्याचे तिला जाणवले होते. प्रियंका चोप्राने 2003 मध्ये तिच्या फिल्मी करिअरला सुरुवात केली आणि त्यानंतर तिला अनेक हिट चित्रपट मिळाले. पण एकेकाळी तिचे ६ चित्रपट बॉक्स ऑफिसवर एकापाठोपाठ एक फ्लॉप ठरले. अलीकडेच प्रियांका चोप्राने एका मुलाखतीत चित्रपटसृष्टीतील तिच्या संघर्षाबद्दल सांगितले आहे. डॅक्स शेफर्डसोबतच्या मुलाखतीत, प्रियांकाने २००८ मध्ये तिचे अनेक चित्रपट फ्लॉप झाले तेव्हा ती आणि तिची आई किती अस्वस्थ होती याबद्दल उलघडा केला आहे. प्रियांका म्हणाली की तिला पूर्ण जाणीव होती की ती 'नेपो बेबी' नव्हती. त्यामुळे फ्लॉप असूनही तिच्या करिअरला कोणीही साथ देणार नाही. प्रियांकाने सांगितले की, २००८ मध्ये तिच्या एका मॅगझिनचे मुखपृष्ठावर प्रियांकाचा चेहरा होता. आणि त्यावर 'फिनिश्ड' लिहिले होते. हे पाहून "मी घाबरले होते, माझी आई घाबरलेली होती. प्रियांका सांगते माझी आई माझ्याकडे आली आणि म्हणाली, तू लवकरच ३० वर्षांची होणार आहेस. चित्रपटांसाठी तू खूप वयस्कर आहे. इकडे सगळ्यांना २० वर्षांच्या मुलांबरोबर काम करायचं आहे. तुला स्वत:ला सांभाळावं लागेल. चित्रपटांव्यतरिक्त आणखी दुसऱ्या गोष्टींचा तुला विचार करावा लागेल या घटनेनंतर तिने निर्मिती क्षेत्रात प्रवेश केला. त्यावेळी प्रियांकाचे सहा फ्लॉप चित्रपट होते. "जेव्हा ते सहा चित्रपट चांगले चालले नाहीत तेव्हा मला भीती वाटली कारण मी नेपो बेबी नाही." "बॉलिवूड चित्रपटांमध्ये ज्या प्रकारचा पाठिंबा मिळतो, तसा पाठिंबा माझ्याकडे नव्हता. तुझा आधीचा चित्रपट खराब होता म्हणून तुझा काका तुझ्यासाठी नवीन चित्रपट बनवत नाहीयेत, अस तिला सांगण्यात आलं होतं पीसीने सांगितले की, तिला पुढची मोठी भूमिका कशी मिळेल आणि त्यासाठी तिला किती मेहनत घ्यावी लागेल याविषयी ती नेहमीच टेन्शनमध्ये असते. प्रियांकाने सांगितले की त्या काळात मला कोणत्याही मोठ्या चित्रपटात पुन्हा कास्ट केले जात नव्हते. मात्र, प्रियांकाला मधूर भांडारकर यांचा फॅशन चित्रपट मिळाला आणि तिचे बुडते करिअर पुन्हा उभारुन आले.