Taapsee Pannu 6-Pack Abs : तापसीचे सिक्स पॅक अ‍ॅब्ज पाहून चाहते थक्क, म्हणाले, “लेडी टायगर श्रॉफ”

बॉलिवूड अभिनेत्री तापसी पन्नूने तिच्या नवीन अवतारातले फोटो सोशल मीडियावर शेअर केले आहेत. तापसीने तिच्या जिम ट्रेनरसोबतचे (व्यायाप प्रशिक्षक) फोटो शेअर केले आहेत. जे आता व्हायरल होऊ लागले आहेत. हे फोटो व्हायरल होण्यामागचं कारण म्हणजे यात तापसीने तिचे अॅब्ज दाखवले आहेत. तापसीच्या नवीन फोटोवर चाहत्यांकडून लाईक्स आणि कमेंट्सचा पाऊस पडू लागला आहे. या फोटोद्वारे तापसी तिच्या चाहत्यांना फिटनेससाठी प्रोत्साहन देत आहे. तापसीने दोन फोटो शेअर केले आहेत, त्यात तिने तिचे अॅब्ज फ्लॉन्ट केले आहेत. या फोटोंमध्ये तिचा जिम ट्रेनस सुजीत करगुटकरदेखील दिसतोय. दरम्यान, चाहत्यांनी हे फोटो पाहून तापसीची थेट अभिनेता टायगर श्रॉफसोबत तुलना सुरू केली आहे. काही चाहत्यांनी तिला लेडी टायगर श्रॉफ म्हटलं आहे. तर एका युजरने कमेंट केली आहे की, तापसी आता थेट टायगर श्रॉफला टक्कर देत आहे. (सर्व फोटो : Taapsee Pannu Instagram)