“मला त्याने मुंग्यांची पावडर दिली होती”, प्राजक्ता माळीने सांगितला ‘तो’ किस्सा, म्हणाली “ते उघडल्यानंतर…”

महाराष्ट्रातील अनेकांची क्रश असणारी अभिनेत्री म्हणून प्राजक्ता माळीकडे पाहिले जाते. प्राजक्ताने अल्पावधीत कलाविश्वात स्वत:चं वेगळं स्थान निर्माण केलं. तिने छोट्या पडद्यापासून अभिनय क्षेत्रातील कारकीर्दीला सुरुवात केली. ‘जुळून येती रेशीमगाठी’, ‘नकटीच्या लग्नाला यायचं हं’ यांसारख्या प्रसिद्ध मालिकेतून प्राजक्ता घराघरात पोहोचली. ती सोशल मीडियावरही प्रचंड सक्रिय असल्याचं पाहायला मिळतं. प्राजक्ता माळीने नुकतंच 'लोकमत फिल्मी'ला मुलाखत दिली. या मुलाखतीत तिला फॅनचा आलेला एखादा विचित्र अनुभव विचारण्यात आला. त्यावर तिने या अनुभवाबद्दल सांगितले. "मला एकदा एका चाहत्याने मुंग्यांची पावडर दिली होती." 'तू गोड आहे, म्हणून त्याने हे दिलं होतं का?' असं तिला विचारले असता ती 'हो' म्हणाली. "त्यावेळी मला हे काय गिफ्ट आहे, असा प्रश्न पडला होता." "विशेष म्हणजे त्यावेळी त्याने मी तुझ्यासाठी गिफ्ट आणलंय वैगरे मला म्हटलं होतं." "त्याने ते गिफ्ट छान पॅकही केलं होतं." "मी ते उघडल्यानंतर मला त्यात मुंग्यांची पावडर सापडली होती." "यावर मी ओके, धन्यवाद असे म्हटलं होतं." प्राजक्ता ही सध्या ‘महाराष्ट्राची हास्यजत्रा’मधून प्रेक्षकांचं मनोरंजन करत आहे. प्राजक्ताने मालिकांबरोबरच मराठी चित्रपट आणि वेब सीरिजमध्येही काम केलं आहे. आणखी वाचा : “‘बाई, बूब्स आणि ब्रा’ पोस्टनंतर मला एका लग्न झालेल्या पुरुषाने फोन केला अन्…” हेमांगी कवीने सांगितला ‘तो’ किस्सा