प्रियांका चोप्राच्या घरी झालेली छापेमारी, फक्त टॉवेलमध्ये असलेल्या शाहीद कपूरने उघडलेला दरवाजा? नेमकं काय घडलं होतं?

प्रियांका चोप्रा ही बॉलिवूडमधील लोकप्रिय अभिनेंत्रीपैकी एक आहे. बॉलिवूडमधील कारकीर्दीत प्रियांकाचं काही अभिनेत्यांबरोबर जोडलं गेलं होतं. अभिनेता शाहिद कपूरबरोबर प्रियांकाच्या अफेयरच्या चर्चा होत्या. २०११ साली आयकर विभागाकडून प्रियांकाच्या घरी छापेमारी करण्यात आली होती. आयकर विभागाचे अधिकारी अभिनेत्रीच्या घरी पोहोचले तेव्हा शाहिद कपूरने दरवाजा उघडल्याच्या चर्चा रंगल्या होत्या. एवढंच नव्हे तर, तेव्हा शाहिदच्या अंगावर फक्त टॉवेल असल्याचंही वृत्त होतं. याबाबत प्रियांकाने एका मुलाखतीत खुलासा केला होता. 'इंडिया टीव्ही'च्या 'आपकी की अदालत'मध्ये दिलेल्या मुलाखतीत प्रियांकाने या वृत्तावर संताप व्यक्त करत नेमकं काय घडलं ते सांगितलं होतं. “दरवाजा ठोठावल्यानंतर घरातील व्यक्ती दरवाजा उघडते. माझ्या घरात काम करणाऱ्या बाईने दरवाजा उघडला होता, " असं ती म्हणाली होती. "परंतु, शाहिद कपूरने दरवाजा उघडला अशी अफवा सगळीकडे पसरवण्यात आली." "मी एक मुलगी आहे. कोणत्याही मुलीबद्दल असं बोलणं, चुकीचं आहे. ज्या महिला व मुली इथे बसल्या आहेत. त्यांना माझ्या भावना समजत असतील." "कोणतेही पुरावे नसताना आणि मुळात अशी गोष्ट झालेलीच नाही, त्याबाबत तुम्ही चुकीची माहिती कशी देऊ शकता? मी कोणाची तरी मुलगी व बहीण आहे,” असंही प्रियांका म्हणाली होती. प्रियाकांने घडलेल्या प्रसंगाचा घटनाक्रमही सांगितला होता. प्रियांका म्हणालेली, “मी माझ्या आईवडिलांबरोबर राहते. जेव्हा आयकर विभागाचे अधिकारी माझ्या घरी आले, तेव्हा माझी आई घरी नव्हती." "माझ्या आजोबांच्या वर्षश्राद्धासाठी ती झारखंडला गेली होती. माझ्या वडिलांना सकाळी लवकर ऑफिसला जावं लागतं, म्हणून ते दुसऱ्या घरी होते." "शाहिद कपूर माझ्या घरापासून फक्त ३ मिनिटांच्या अंतरावर राहतो," असं तिने सांगितलं होतं. मी इतर कुणाला फोन केला असता, तर त्यांना यायला २०-२५ मिनिटे लागली असती." "म्हणून मी शाहिदला फोन केला. आणि अधिकाऱ्यांनीही त्याला घरात थांबण्याची परवानगी दिली. या गोष्टीला मी कधीही नाकारलेलं नाही,” असंही पुढे प्रियांकाने सांगितलं होतं. दरम्यान, प्रियांकाने २०१८मध्ये निक जोनसबरोबर लग्नगाठ बांधली. त्यांना मालती ही मुलगी आहे. (सर्व फोटो : लोकसत्ता ग्राफिक्स टीम, प्रियांका चोप्रा/ इन्स्टाग्राम) (हेही पाहा>> “मला त्याने मुंग्यांची पावडर दिली होती”, प्राजक्ता माळीने सांगितला ‘तो’ किस्सा, म्हणाली “ते उघडल्यानंतर…”)