लैंगिक शोषणापूर्वी असित मोदींवर लावण्यात आले आहेत ‘हे’ आरोप; कडाक्याच्या भांडणानंतर ‘या’ कलाकारांनी सोडली ‘तारक मेहता…’ मालिका

तारक मेहता मालिकेची अभिनेत्री जेनिफर मिस्त्रीने मालिकेच निर्माते असित मोदींवर लैंगिक शोषणाचा आरोप केला. मात्र, जेनिफर व्यतरिक्त मालिकेत आणखी काही कलाकार आहेत. ज्यांच आसिंत मोंदींबरोबर जोरदार भांडण झालं आहे. तारक मेहतामध्ये मिसेस रोशन सोधीची भूमिका साकारणाऱ्या जेनिफर मिस्त्रीने निर्माते असित मोदी आणि इतर २ जणांवर लैंगिक छळाचे आरोप केले आहेत. जेनिफरने असित मोदींवर आक्षेपार्ह गोष्टी बोलल्याचा आरोप केला आहे. मालिका सोडल्यानंतर जेनिफरने या गोष्टींचा खुलासा केला आहे. शैलेश लोढा आणि असित मोदी यांच्यात पगारावरून जोरदार भांडण झाले होते. त्यानंतर शैलेशने असित मोदींवर थकबाकी न भरल्याचा आरोप केला. याप्रकरणी त्यांनी असित मोदीविरोधात तक्रारही दाखल केली होती. तारक मेहता मालिकेला निरोप देणाऱ्यांमध्ये अभिनेत्री दिशा वाकाणीचाही समावेश आहे. दया बेनची भूमिका साकारणाऱ्या दिशा वकानीने मुलाला जन्म दिल्यानंतर मालिकेला अलविदा केला. दिशाने निर्मात्यांना फी वाढवण्यास सांगितली होती, जेव्हा असे झाले नाही तेव्हा तिने शो सोडला असल्याचे सांगण्यात येत आहे. तारक मेहता का उल्टा चष्मात सोडीची भूमिका साकारणारा अभिनेते गुरचरण सिंग अचानक गायब झाला. शो सोडण्यामागे त्याने वडिलांच्या शस्त्रक्रियेचे कारण सांगितले होते पण असित मोदींबरोबर त्याचे भांडण झाल्यामुळे त्याने मालिका सोडल्याचे सांगण्यात येत आहे. अभिनेत्री नेहा मेहता हिनेही असित मोदींवर आरोप केले आहेत. २०२० मध्ये तिने 'तारक मेहता' मालिकेतून निरोप घेतला होता. असित मोदींनी तिची थकबाकी दिली नसल्याचा आरोप नेहाने केला होता.