Cannes 2023 : अनुष्का शर्माचे कान्स फेस्टिव्हलमध्ये दमदार पदार्पण; विराटसह आलिया भटने केली खास कमेंट

अभिनेत्री अनुष्का शर्माने कान्सच्या रेड कार्पेटवर हजेरी लावत सर्वांचे लक्ष वेधून घेतले आहे. कान्स फेस्टिव्हलमधील अनेक फोटो अभिनेत्रीने इन्स्टाग्रामवर शेअर केले आहे. कान्ससाठी अनुष्काने खास ऑफ शोल्डर व्हाईट डिझायनर गाऊन घातला होता. अनुष्काचा कान्स पदार्पणाचा लुक सोशल मीडियावर मोठ्या प्रमाणात व्हायरल होत आहे. ऑफ शोल्डर व्हाईट गाऊनमध्ये अनुष्का खूपच सुंदर दिसत होती. अनुष्काच्या गाऊनवर फुलांच्या डिझाइनचे कोरीम काम करण्यात आले आहे. कान्स फेस्टिव्हल २०२३ पासून सुरु झाल्यापासून अनुष्का शर्मा रेड कार्पेटवर कधी दिसणार याची चाहत्यांना उत्सुकता होती. अखेर अनुष्काने आपल्या लुकचे जबरदस्त फोटो शेअर करुन चाहत्यांना सरप्राईज दिले आहे. अनुष्काच्या फोटोवर पती विराट कोहली आणि बॉलीवडू अभिनेत्री आलिया भट्टने सुद्धा कमेंट केली आहे. विराट कोहलीने हार्ट इमोजी शेअर करीत अनुष्काच्या फोटोवर कमेंट केली आहे. विराटसह आलिया भट्टने सुद्धा अनुष्काच्या फोटोवर 'यू आर स्टनिंग' अशी खास कमेंट केली आहे. अनुष्काचा कान्स लुक इतक अभिनेत्रींपेक्षा सुंदर होता अशा प्रतिक्रिया नेटकऱ्यांनी दिल्या आहेत. ( फोटो सौजन्य : इन्स्टाग्राम )