Ruturaj Gaikwad Wedding : ऋतुराज गायकवाड अडकला लग्नबंधनात, पत्नीच्या मंगळसूत्राने वेधले लक्ष

गेले कित्येक दिवस क्रिकेटपटू ऋतुराज गायकवाडच्या लग्नाची चर्चा सुरु होती. चेन्नई सुपरकिंग्जचा हा सलामीवीर फलंदाज अखेर ३ जून रोजी उत्कर्षा पवारबरोबर विवाहबंधनात अडकला. ऋतुराजचा विवाहसोहळा महाबळेश्वरमध्ये संपन्न झाला. ऋतुराजने सोशल मीडियावर फोटो शेअर करत ही आनंदाची बातमी आपल्या चाहत्यांना दिली. दोघांच्या लग्नाचे फोटो पाहून उत्कर्षाच्या मंगळसूत्राने सर्वांचे लक्ष वेधून घेतले आहे. उत्कर्षाच्या साध्या पण हटके मंगळसूत्राचे चर्चा सोशल मीडियावर रंगली आहे. उत्कर्षाचे दोन वाट्यांचे साधे मंगळसूत्र नेटकऱ्यांना भावले आहे. दोघांच्या लग्नसोहळ्याला चेन्नई सुपरकिंग्ज संघातील शिवम दुबेसह अन्य काही खेळाडूंनी हजेरी लावली होती. ऋतुराज व उत्कर्षाच्या लग्नाचे फोटो पाहून या नव्या जोडप्याला चाहते भरभरून शुभेच्छा देत आहेत.