सुंदर साडी, केसात गजरा अन्…प्रिया बापटच्या फोटोवर चाहतीची खास कमेंट; म्हणाली, “फक्त एक गोष्ट मिसिंग”

अभिनेत्री प्रिया बापट सध्या तिच्या 'सिटी ऑफ ड्रीम्स'च्या तिसऱ्या सीझनमुळे चांगलीच चर्चेत आहे. प्रिया सोशल मीडियावर कायम सक्रिय असते. अलीकडेच प्रियाने तिच्या लंडन ट्रिपचे अनेक फोटो आणि व्हिडीओ सोशल मीडियावर शेअर केले होते. आता प्रियाने गडद पिवळ्या रंगाच्या काठपदराच्या साडीतील सुंदर फोटो इन्स्टाग्रामवर शेअर केले आहेत. पिवळ्या रंगाच्या साडीवर प्रियाने कॉन्ट्रास्ट जांभळ्या रंगाचा ब्लाऊज परिधान केला होता. मराठमोळ्या लुकमध्ये प्रिया फारच सुंदर दिसत आहे. अभिनेत्रीच्या पोस्टवर तिच्या चाहतीने केलेल्या एका खास कमेंटने सध्या सर्वांचे लक्ष वेधून घेतले आहे. साडीतील सुंदर लुकमध्ये प्रियाच्या गळ्यातील "मंगळसूत्र मिसिंग" आहे अशी कमेंट एका युजरने केली आहे. प्रियाने साडीमधील या फोटोंना "मराठमोळा साज..." असे कॅप्शन दिले आहे. अभिनेत्रीच्या लुकचे तिच्या अनेक चाहत्यांनी कौतुक केले आहे. ( फोटो सौजन्य : इन्स्टाग्राम )