Photos: मंगळागौरीसाठी ‘सुख म्हणजे नक्की काय असतं’ मालिकेतील अभिनेत्रीचा मराठमोळा लूक

स्टार प्रवाह वाहिनीवरील 'सुख म्हणजे नक्की काय असतं' ही मालिका प्रेक्षकांच्या चांगलीच पसंतीस उतरताना दिसत आहे. या मालिकेत अभिनेत्री गिरीजा प्रभू ही 'गौरी शिर्केपाटील'ची भूमिका साकारत आहे. श्रावणात केले जाणारे मंगळागौरीचे व्रत म्हणजे नवविवाहितेसाठी उत्साहाची, आनंदाची पर्वणीच असते. श्रावण हा धार्मिक व्रत-वैकल्यांचा पवित्र महिना आहे. नुकतीच गिरीजाने मंगळागौरीच्या कार्यक्रमाला हजेरी लावली होती. या मंगळागौरीच्या कार्यक्रमासाठी गिरीजाने मराठमोळा लूक केला होता. गिरीजाने हिरव्या रंगाची सुंदर नऊवारी साडी नेसली होती. हिरव्या साडीवर गिरीजाने पिवळ्या रंगाचा डिझायनर ब्लाऊज परिधान केला होता. नऊवारी साडीतील लूकवर गिरीजाने पारंपरिक दागिन्यांचा साज केला होता. 'चला खेळूया मंगळागौर...' असं कॅप्शन गिरीजाने फोटोंना दिले आहे. मंगळागौरीच्या कार्यक्रमातील फोटो आणि व्हिडीओ गिरीजाने इन्स्टाग्रामवर शेअर केले आहेत. मंगळागौर या व्रताची परंपरा महाराष्ट्रासह भारताच्या अनेक भागांत आढळते. सध्या 'सुख म्हणजे नक्की काय असतं' या मालिकेचे कथानक अतिशय उत्कंठावर्धक वळणावर येऊन पोहोचले आहे. (सर्व फोटो सौजन्य : गिरीजा प्रभू / इन्स्टाग्राम) (हेही पाहा : तेजश्री प्रधानच्या नव्या मालिकेबद्दल 'या' गोष्टी माहिती आहेत का?)