सैफ, करीना, शाहरुख आणि दीपिकासह ‘या’ कलाकारांना आहेत विचित्र सवयी

बॉलिवूड कलाकार म्हटलं की त्यांच्याविषयी वाचायला सगळ्यांना आवडतंच. करीना कपूर ही आघाडीची अभिनेत्री आहे. कुणाला कुठल्या विचित्र सवयी आहेत आपण जाणून घेऊ. अभिनेत्री करीना कपूरला नखं कापायची सवय आहे. तिची ही सवय अनेक लोकांना माहित नाही. आमिर खानला बॉलिवूडचा परफेक्शनिस्ट असं म्हटलं जातं. मात्र त्यालाही एक विचित्र सवय आहे. आमिर खानला अंघोळ करायला आवडत नाही. त्याने एका मुलाखतीत सांगितलं होतं की गुलाम सिनेमाच्या सेटवर त्याने कैक दिवस अंघोळ केलेली नव्हती. अभिनेता शाहिद कपूर हादेखील आघाडीचा अभिनेता आहे. त्याचा ब्लडी डॅडी हा सिनेमाही चर्चेत होता. या शाहीदलाही एक विचित्र सवय आहे. शाहीद कपूरला कॉफी फार आवडते. तो दिवसाला १० कप तरी कॉफी पितो. अभिनेता शाहरुख खान त्याच्या आगामी जवान या सिनेमामुळे चर्चेत आहे. या सिनेमात तो नकारात्मक भूमिकेतही दिसणार आहे. तसंच त्याला किंग खान असंही म्हटलं जातं. शाहरुख खानला बूट वारंवार काढायची सवय आहे. तो अनेकदा बूट काढतो आणि घालतो. त्याला ही विचित्र सवय आहे. अभिनेता सैफ अली खानला अंघोळीला बराच वेळ लागतो. सैफ अली खानच्या बाथरुममध्ये एक लायब्ररी आहे, त्याचा फोनही तिथेच असतो. एनडीटीव्हीने या विषयीचं वृत्त दिलं आहे. अभिनेत्री दीपिका पदुकोणला एअरपोर्टवर जो वेळ मिळतो त्या वेळात लोकांचं निरीक्षण करायची सवय आहे. तिनेच एका मुलाखतीत हा खुलासा केला होता.