३५ कोटींचा बंगला, महागड्या कार अन्…; थलईवा रजनीकांत यांची एकूण संपत्ती किती आहे माहितीये का? आकडा वाचून बसेल धक्का

साऊथचे सुपरस्टार रजनीकांत नेहमीच चर्चेत असतात. नुकताच त्यांचा 'जेलर' चित्रपट प्रदर्शित झाला. पहिल्याच दिवशी या चित्रपटाने बॉक्स ऑफिसवर ५० कोटींपेक्षा जास्त कमाई केली आहे. रजनीकांत यांनी आत्तापर्यंत १६८ पेक्षा जास्त चित्रपटांमध्ये काम केलं आहे. रजनीकांत यांच्याकडे कोट्यावधी रुपयांची संपत्ती आहे. मिळालेल्या माहितीनुसार रजनीकांत यांची एकूण संपत्ती ५१ मिलियन अमेरिकी डॉलर म्हणजे जवळपास ४३० कोटी रुपये आहे. रजनीकांत एका चित्रपटासाठी ५० कोटी रुपये घेतात. त्यांचा नुकताच प्रदर्शित झालेला 'जेलर' चित्रपटासाठी त्यांनी १५० कोटी रुपयांचे मानधन आकारले होते. चेन्नईमध्ये रजनीकांत यांचा आलिशान बंगला आहे. २००२ मध्ये बनवलेल्या या बंगल्याची किंमत ३५ कोटी रुपये आहे. रजनीकांत यांच्याकडे एक शुभमंगल कार्यालयही आहे. या कार्यालयात २७५ लोकांची राहण्याची आणि १ हजार लोकांची बसण्याची व्यवस्था आहे. या हॉलची किंमत जवळपास २० कोटी रुपये आहे. रजनीकांत लक्झरी कारचे शौकीन आहेत. त्यांच्याकडे महागड्या गाड्यांचे कलेक्शन आहे. त्यांच्याकडे ‘रोल्स रॉयल फॅंटम’ व ‘रोल्स रॉयल घोस्ट’ या कार आहेत. याची किंमत अनुक्रमे १६.५ कोटी व ६ कोटी इतकी आहे. . ‘बीएमडब्ल्यू एक्स ५’ ही महागडी गाडीही रजनीकांत यांच्याकडे आहे. याशिवाय २.५५ कोटींची ‘मर्सिडीज बेन्झ’ आणि ३.१० कोटींची ‘लम्बोर्गिनी’ही त्यांच्याकडे आहे.