Photos: ऑर्गेंझा साडीतील शिवानी रांगोळेचा सुंदर लूक चर्चेत

मराठी सिनेसृष्टीतील लोकप्रिय अभिनेत्री शिवानी रांगोळे-कुलकर्णी सध्या सोशल मीडियावर चर्चेत आहे. शिवानी लवकरच दिग्पाल लांजेकर लिखित दिग्दर्शित 'सुभेदार' चित्रपटात दिसणार आहे. सध्या शिवानी 'सुभेदार' चित्रपटाच्या प्रमोशनमध्ये व्यग्र आहे. इन्स्टाग्रामवर शिवानीने ऑर्गेंझा साडीतील काही फोटो शेअर केले आहेत. या फोटोंमध्ये शिवानीने फिकट हिरव्या रंगाची ऑर्गेंझा साडी नेसली आहे. 'Breezy!' असं साडीतील फोटोंना कॅप्शन शिवानीने दिले आहे. शिवानीच्या या सुंदर लूकची चाहत्यांमध्ये चर्चा रंगली आहे. येत्या १८ ऑगस्टला शिवानीचा 'सुभेदार' हा चित्रपट प्रदर्शित होत आहे. या चित्रपटात शिवानी सूर्याजी मालुसरे यांच्या पत्नी यशोदाबाईंची भूमिका साकारत आहे. 'सुभेदार' चित्रपटात अभिनेते अजय पूरकर सुभेदार तान्हाजी मालुसरेंची व्यक्तिरेखा साकारत आहेत. (सर्व फोटो सौजन्य : शिवानी रांगोळे / इन्स्टाग्राम) (हेही पाहा : वैदेही परशुरामीचा डेनिम स्कर्टमधील लूक; फोटो सोशल मीडियावर चर्चेत)