Photos: सोनेरी रंगाची साडी, भरजरी दागिने…; पहिल्या मंगळागौरीसाठी अक्षया देवधरचा खास लूक

छोट्या पडद्यावरील लोकप्रिय अभिनेत्री अक्षया देवधरची नुकतीच पहिली मंगळागौरी साजरी झाली. या मंगळागौरी कार्यक्रमातील फोटो अक्षयाने इन्स्टाग्रामवर शेअर केले आहेत. गेल्यावर्षी २ डिसेंबर रोजी अक्षयाने अभिनेता हार्दिक जोशीबरोबर लग्नगाठ बांधली. नवविवाहितेला देवीजवळ अखंड सौभाग्याचे मागणे मागण्यासाठी मंगळागौर पूजली जाते. या मंगळागौरीच्या कार्यक्रमासाठी अक्षयाने सोनेरी रंगाची सुंदर साडी नेसली आहे. सोनेरी साडीवर अक्षयाने भरजरी दागिन्यांचा साज केला आहे. मंगळागौरीसाठी अक्षयाने हार्दिकच्या नावाची खास मेहेंदी काढली आहे. 'मंगळागौर पुजन…' असं कॅप्शन अक्षयाने या फोटोंना दिले आहे. नवविवाहिता आणि इतरही अनेक महिलांसाठी आजही मंगळागौरीला विशेष महत्त्व आहे. श्रावणातील मंगळवारी नवविवाहितांकडून पहिली पाच वर्षे मंगळागौर पुजली जाते. (सर्व फोटो सौजन्य : अक्षया देवधर / इन्स्टाग्राम) (हेही पाहा : सोनी मराठीच्या 'या' मालिकेत साजरी होणार आगळीवेगळे रक्षाबंधन)