आयरा खानच्या सासूबाईंना पाहिलंत का? आमिर खानने केलं मराठमोळ्या विहीणबाईंचं कौतुक; म्हणाला, “प्रीतमजी…”

अभिनेता आमिर खानची लेक आयरा खानच्या लग्नाची तारीख ठरली आहे. आमिरनेच आयराचं लग्न कधी होणार याबाबत माहिती दिली आहे. आयरा खान व नुपूर शिखरे ३ जानेवारी २०२४ रोजी लग्नबंधनात अडकणार आहेत. मुलीच्या लग्नाच्या तारखेची घोषणा करताना आमिरने होणाऱ्या जावयाचं कौतुक तर केलंच, पण त्याच्या आईबद्दलही विधान केलं. आमिरने नुपूर आपल्या मुलासारखा असल्याचं म्हटलं. तो खूप चांगला मुलगा आहे, असं म्हटल्यानंत त्याने विहीणबाई प्रीतम शिखरे यांचा उल्लेख केला. आमिर खान मुलीच्या होणाऱ्या सासूबाईंबद्दल काय म्हणाला, ते पाहुयात. नुपूर खूप चांगला मुलगा आहे, आम्हाला वाटतं की तो कुटुंबाचा एक भाग आहे. - आमिर खान त्याची आई प्रीतमजी खूप चांगल्या आहेत. - आमिर खान प्रीतमजी आधीच आमच्या कुटुंबाचा एक भाग झाल्या आहेत असं आमिर खान म्हणाला. दरम्यान, आयराने तिच्या साखरपुड्यात सर्वात आनंदी व्यक्ती म्हणत सासूबाईंचे फोटो शेअर केले होते. या फोटोंमध्ये प्रीतम शिखरे मनसोक्त डान्स करताना दिसत होत्या. किरण राव, आयरा आणि इतर पाहुण्यांबरोबरही प्रीतम यांनी ठुमके लगावले होते. साखरपुड्यातील फोटोंमध्ये आनंद त्यांच्या चेहऱ्यावर दिसून येत होता. मागच्या वर्षी दिवाळीतही आयराने सासूबाईंबरोबर फोटो शेअर केले होते. एकंदरीतच आमिरला मराठमोळा जावई आणि विहीणबाईंचं खूप कौतुक आहे. (सर्व फोटो - आयरा खान इन्स्टाग्राम) हेही वाचा - “आयराच्या लग्नात मी खूप रडणार,” आमिर खानचे वक्तव्य; जावई नुपूरबद्दल म्हणाला, “तिने असा मुलगा निवडला जो…”