Photos: हॉटेलच्या उद्घाटन सोहळ्यासाठी अनघा भगरेने नेसली खणाची साडी; मराठमोळ्या लूकने वेधलं लक्ष

स्टार प्रवाह वाहिनीवरील 'रंग माझा वेगळा' या मालिकेतून घराघरात पोहोचलेली अभिनेत्री म्हणजे अनघा भगरे. 'रंग माझा वेगळा' या मालिकेत अनघाने 'श्वेता' ही नकारात्मक भूमिका साकारली होती. अनघाने नुकतेच पुण्यात एक हॉटेल सुरू केले आहे. 'वदनी कवळ' असे अनघाच्या हॉटेलचे नाव आहे. अनघाने तिचा भाऊ अखिलेश भगरेच्या साथीने हे हॉटेल सुरू केले आहे. हॉटेलच्या उद्घाटन सोहळ्यासाठी अनघाने निळ्या रंगाची सुंदर खणाची साडी नेसली होती. 'Opening Night' असे कॅप्शन अनघाने खणाच्या साडीतील फोटोंना दिले आहे. अनघाच्या मराठमोळ्या लूकने नेटकऱ्यांचे लक्ष वेधू घेतले आहे. अनघाचे हे हॉटेल पुण्यातील डेक्कन परिसरात आहे. अनघाच्या या हॉटेलमध्ये पारंपरिक शाकाहारी थाळीचा आस्वाद घेता येणार आहे. अनघाच्या या फोटोंवर सर्वांनी शुभेच्छांचा वर्षाव केला आहे. सध्या सोशल मीडियावर अनघाच्या हॉटेलमधील काही फोटो व्हायरल झाले आहेत. अनघा ही प्रसिद्ध ज्योतिषी अतुलशास्त्री भगरे गुरुजी यांची मुलगी आहे. (सर्व फोटो सौजन्य : अनघा भगरे/इन्स्टाग्राम) (हेही पाहा : 'चांदीच्या ताटात पुरणपोळी...'; देशमुख कुटुंबाने असं केले प्रसाद-अमृताचं केळवण)