Photos: पैठणी साडी, नाकात नथ..; झी मराठी अवॉर्ड्स सोहळ्यात माधुरी दीक्षित व मलायका अरोराचा मराठमोळा अंदाज

झी मराठी अवॉर्ड्स म्हणजेच नात्यांचा महाउत्सव आणि ह्या उत्सवात हजेरी लावली ती बॉलिवूडच्या तारका मलायका अरोरा आणि 'धक धक गर्ल' माधुरी दीक्षित यांनी. माधुरी आणि मलायका दोघीही या घरच्या उत्सवात अगदी मराठमोळया अंदाजात सहभागी झाल्या. मलायकाचं कोळी नृत्य हे या कार्यक्रमाचं खास आकर्षण ठरलं. एवढच नाही तर अभिनेत्री श्रेया बुगडेकडून बेसनाचे लाडू बनवायला शिकून मलायका हे खास लाडू 'सा रे ग म लिटिल चॅम्प्स'चे परीक्षक सलील कुलकर्णींना देणार आहेत. माधुरी दीक्षितनेही झी मराठीच्या सर्व नायिकांबरोबर मंगळागौर साजरी केली. कार्यक्रमात रंगली ती माधुरी, भाऊ कदम आणि भुवनेश्वरीची हास्याची जुगलबंदी. या कार्यक्रमाच्या निवेदनाची धुरा सांभाळली ती म्हणजे आपल्या सर्वांची लाडकी जोडी अक्षरा आणि अधिपती यांनी. हे सर्व धमाकेदार परफॉर्मन्स पाहण्याची प्रेक्षकांना नक्कीच उत्सुकता लागली असेल. तेव्हा शनिवार ४ नोव्हेंबर संध्या. ७ ह्या तारखेची नोंद आपल्या कॅलेंडर नक्की करून ठेवा. घरचं कार्य आहे सहकुटुंब सर्वाना आग्रहाचं निमंत्रण. (सर्व फोटो सौजन्य : झी मराठी / इन्स्टाग्राम) (हेही पाहा : 'महाराष्ट्राची हास्यजत्रा' फेम शिवाली परबचा शिमरी साडीतील ग्लॅमरस लूक)