Photos: ‘गव्हाचे आणि तळलेले पदार्थ…’; वयाच्या पन्नाशीतही ऐश्वर्या नारकर आहेत फिट, सांगितलं फिटनेस रहस्य

झी मराठी वाहिनीवरील 'सातव्या मुलीची सातवी मुलगी' या मालिकेत अभिनेत्री ऐश्वर्या नारकर 'रुपाली राज्याध्यक्ष'ची भूमिका साकारत आहेत. ऐश्वर्या कामामध्ये व्यग्र असूनही फिटनेस व निरोगी जगण्यासाठी काय काय करतात व कसा वेळ देतात या बाबतीत त्यांनी नुकतेच सांगितले आहे. ऐश्वर्या या गेल्या वीस वर्षापासून जिम व वेट ट्रेनिंग करत आहेत. नुकतीच त्यांनी योग सराव करायला सुरवात केली आहे. ऐश्वर्या यांच्या सुंदर त्वचेचे व दाट केसांचे रहस्य व्यायाम आणि शुद्ध आहारच आहे. या फिटनेस जीवनशैलीला घेऊन त्यांनी आपले मत व्यक्त केले आहे. माझा दिवस सकाळी ५:३० वाजता सुरु होतो आणि शूटिंगला जाण्याची तयारी करून त्या नंतर रोज अंदाजे ३०-४० मिनिटं योग करते ज्याच्याने मला स्पुर्ती व मनाची शांती मिळते. योग मी माझ्या पुतणीकडून शिकते आहे जी एक योग प्रशिक्षक आहे. व्यायाम करण्याबरोबरच मी पौस्टिक आहार घेते. गव्हाचे आणि तळलेले पदार्थ शक्यतो टाळते व माझा सगळा आहार शुद्ध तुपामध्ये बनतो. भात हा पदार्थ माझ्या आहारात लहानपणापासून आहे व सगळ्यांना माझं म्हणणं असेल की तुमच्या लहानपणीच्या खाण्याच्या सवयी मोडू नका. आपल्या आयुष्यात समतोल आणि सातत्य ठेवले की आपलं आरोग्य निरोगी राहत. माझ्यासाठी निरोगी राहण्याचे मंत्र म्हणजे झोप, पौष्टीक आहार आणि व्यायामच आहे. (सर्व फोटो सौजन्य : ऐश्वर्या नारकर / इन्स्टाग्राम) (हेही पाहा : मृण्मयी देशपांडेच्या पिवळ्या पैठणी साडीतील फोटोंवर अभिनेत्रींकडून कमेंट्सचा पाऊस)