लेक मसाबाच्या पहिल्या पतीबद्दल नीना गुप्तांनी केलेलं विधान चर्चेत, म्हणाल्या, “मी व माझे पती…”

अभिनेत्री नीना गुप्ता या त्यांच्या अभिनयासोबतच स्पष्टवक्तेपणासाठी ओळखल्या जातात. नुकत्याच दिलेल्या मुलाखतीत नीना यांनी लेक मसाबाचं पहिलं लग्न आणि घटस्फोटाबद्दल भाष्य केलं. मसाबाने घटस्फोटाबद्दल सांगितल्यानंतर झालेली अवस्था याबद्दल नीना गुप्ता यांनी माहिती दिली. या मुलाखतीत नीना यांनी त्यांची मुलगी मसाबाच्या पहिल्या लग्नाबाबत झालेल्या चुकीबद्दल भाष्य केलं. मसाबाचं पहिलं लग्न मधु मंटेनाशी झालं होतं. मसाबाला लग्न करायचे नव्हते. तिला आधी तिच्या भावी पतीसोबत लिव्ह इन रिलेशनशिपमध्ये राहायचे होते. पण मी त्यास नकार दिला. - नीना गुप्ता ‘तू त्याच्याबरोबर शिफ्ट होणार नाहीस. सोबत राहायचं असेल तर तू लग्न कर,’ असं मी म्हटलं. ही माझी चूक होती आणि नंतर ते विभक्त झाले. त्यांच्या घटस्फोटामुळे मी उद्ध्वस्त झाले होते. मी त्यांच्या घटस्फोटाची कल्पनाही केली नव्हती - नीना गुप्ता कारण माझे पती आणि मी दोघेही तिच्या पूर्वाश्रमीच्या पतीवर खूप प्रेम करत होतो आणि अजूनही प्रेम करतो. - नीना गुप्ता तो खरोखर छान माणूस आहे, पण त्याचं आणि मसाबाचं लग्नानंतर नाही पटलं.- नीना गुप्ता तिने घटस्फोटाबद्दल सांगितल्यावर मी महिनाभर सुन्न झाले होते. तो काळ खूप कठीण होता. पण तुमच्या हातात काही नाही, कारण हे दुसऱ्याचे आयुष्य आहे. - नीना गुप्ता दरम्यान, मसाबा गुप्ताने मधू मंटेनापासून विभक्त झाल्यानंतर काही वर्षांनी लग्न केलं. मसाबाने अभिनेता सत्यदीप मिश्राशी जानेवारी २०२३ मध्ये लग्नगाठ बांधली. तर, मसाबाचा पूर्वाश्रमीचा पती मधू मंटेना यानेही दुसरं लग्न केलं. त्याच्या पत्नीचे नाव इरा त्रिवेदी आहे. (फोटो - मसाबा गुप्ता, नीना गुप्ता आणि मधू मंटेना यांचे इन्स्टाग्राम)