Photos: होणाऱ्या नवऱ्याबरोबर पूजा सावंतचं रोमँटिक फोटोशूट; सोशल मीडियावर चर्चा

मराठी मनोरंजनसृष्टीतील लोकप्रिय अभिनेत्री पूजा सावंतने काही दिवसांपूर्वी साखरपुड्याची घोषणा केली. 'We Are Engaged' असे कॅप्शन देत पूजाने इन्स्टाग्रामवर फोटो शेअर केले होते. पूजाच्या होणाऱ्या नवऱ्याचे नाव सिद्धेश चव्हाण असे आहे. सिद्धेश कामानिमित्त ऑस्ट्रेलियामध्ये असतो. नुकतेच पूजा आणि सिद्धेशने रोमँटिक फोटोशूट केले आहे. फोटोशूटसाठी पूजाने पांढऱ्या रंगाचा मिडी ड्रेस परिधान केला आहे. या फोटोंमध्ये पूजाच्या हातात साखरपुड्याची हिऱ्यांची अंगठी पाहायला मिळत आहे. सिद्धेशने फोटोशूटसाठी पांढऱ्या रंगाचे शर्ट आणि डेनिम जीन्स परिधान केली आहे. समुद्रकिनारी रोमँटिक पोज देताना पूजा आणि सिद्धेश... पूजा आणि सिद्धेशच्या या रोमँटिक फोटोशूटवर चाहत्यांनी कमेंट्सचा वर्षाव केला आहे. (सर्व फोटो सौजन्य : पूजा सावंत आणि सिद्धेश चव्हाण/इन्स्टाग्राम) (हेही पाहा : काळ्या डिझायनर गाऊनमध्ये माधुरी दीक्षितचा ग्लॅमरस अंदाज)