Inside Photos: पिवळी नऊवारी साडी, लाल पुणेरी पगडी..; मुग्धा वैशंपायन-प्रथमेश लघाटेच्या लग्नसोहळ्यातील फोटो व्हायरल

'सा रे ग म प लिटिल चॅम्प्स' फेम मराठमोळी गायिका मुग्धा वैशंपायनने आज (२१ डिसेंबर) रोजी प्रथमेश लघाटे बरोबर लग्नगाठ बांधली. ५ नोव्हेंबरला मुग्धा आणि प्रथमेशचा साखरपुडा पारंपरिक पद्धतीने पार पडला होता. लग्नसोहळ्यासाठी मुग्धाने पिवळ्या रंगाची हिरवी काठ असलेली नऊवारी साडी नेसली आहे. गायक रोहित राऊत आणि शमिका भिडेने इन्स्टाग्राम स्टोरीवर मुग्धा आणि प्रथमेशच्या लग्नातील फोटो शेअर केले आहे. प्रथमेशने लाल रंगाचा कुर्ता आणि पुणेरी पगडी परिधान केली आहे. पुणेरी पगडी हा अस्सल महाराष्ट्रीय पगडीचा प्रकार आहे. चिपळूणमध्ये मुग्धा आणि प्रथमेशचा लग्नसोहळा पार पडला. "सौ. मुग्धा प्रथमेश लघाटे" असे कॅप्शन रोहित राऊतने या फोटोला दिले आहे. सध्या सोशल मीडियावर मुग्धा आणि प्रथमेशच्या लग्नसोहळ्यातील काही फोटो व्हायरल झाले आहेत. लग्नात मुग्धा आणि प्रथमेशची सुंदर रंगोळी काढण्यात आली होती. या दोघांच्या फोटोंवर चाहत्यांकडून शुभेच्छांचा वर्षाव होत आहे. मुग्धा आणि प्रथमेशने इन्स्टाग्रामवर ग्रहमख विधी आणि हळदीसोहळ्यातील फोटो शेअर केले होते. ग्रहमख विधीसाठी मुग्धाने निळ्या रंगाची पैठणी साडी नेसली होती. (सर्व फोटो सौजन्य : मुग्धा वैशंपायन आणि प्रथमेश लघाटे/इन्स्टाग्राम) (हेही पाहा : '२०२३ ने मला दिलेली भेट म्हणजे...'; सरत्या वर्षांला निरोप देताना 'अधिपती'ने सांगितल्या खास आठवणी)