मुलीच्या लग्नात भावुक झाला आमिर खान, आयरा खानला मारली मिठी, तर जावई नुपूर शिखरेबरोबरचा ‘तो’ फोटो व्हायरल

आयरा खान व नुपूर शिखरे यांनी ३ जानेवारी २०२४ रोजी नोंदणी पद्धतीने लग्न केलं. सध्या त्यांच्या लग्नाची सगळीकडे जोरदार चर्चा आहे. नवरदेव नुपूर शिखरे ८ किलोमीटर धावत लग्नस्थळी पोहोचला होता, त्यामुळे हे लग्न जरा हटके ठरलं. नुपूर व त्याचे मित्र जिमवेअरमध्ये ताज लँड्स एंड याठिकाणी पोहोचले होते. नुपूर शिखरेची वरात फार अनोखी होती. कारण तो धावत तिथे जात असताना सुंदर असे पोस्टरही रस्त्यावर लावण्यात आले होते. आयरा व नुपूर यांनी नोंदणी पद्धतीने लग्न केलं. दोघांनी अद्याप लग्नाचे फोटो शेअर केले नाहीत. त्यांच्या लग्नातील काही फोटो Ethereal Studio या इन्स्टाग्राम अकाउंटवरून शेअर करण्यात आले आहेत. यामध्ये लेकीच्या लग्नानंतर भावुक झालेल्या आमिर खानने तिला मिठी मारल्याचं दिसतंय. यात आयराचा आई रीना दत्ताबरोबरचा फोटो खास फोटो आहे. तर प्रीतम शिखरे मुलाच्या लग्नात खूपच आनंदी दिसत आहेत. लग्नात आयराने परफॉर्म केलं. त्यावर नुपूरने अशी दाद दिली. आयरा व नुपूरच्या लग्नात आमिर खानचा जावयाबरोबचा कँडीड फोटो चर्चेत आहे. (सर्व फोटो - Ethereal Studio या इन्स्टाग्राम पेजवरून साभार)