हळद लागली! राजस्थानमध्ये पार पडला ‘पार्वती’ सोनारिका भदोरियाचा हळदी समारंभ, खास फोटो केले शेअर

'देवों के देव महादेव' मध्ये पार्वतीची भूमिका साकारून लोकप्रिय झालेली अभिनेत्री सोनारिका भदोरियाच्या लग्नाचे विधी सुरू आहेत. तिने तिच्या इन्स्टाग्राम अकाउंटवर हळदी समारंभाचे फोटो शेअर केले आहेत. या फोटोत सोनारिका व तिचा होणारा पती दोघेही खूप सुंदर दिसत आहेत. सोनारिका व्यावसायिक विकास पाराशरशी लग्न करतेय. दोघांच्या लग्नाआधीचे सर्व विधी राजस्थानमधील रणथंभोरमध्ये पार पडले. त्यांच्या हळदी समारंभाचे फोटो अभिनेत्रीने इन्स्टाग्रामवर शेअर केले. 'तेरे संग यारा खुश रंग बहारा' असं कॅप्शन देत तिने हे फोटो शेअर केले. तिने या खास सोहळ्यासाठी प्री-स्टिच्ड साडी व ग्लॅमरस ब्लाऊज परिधान केलं होतं. तर विकासने छान असा पिवळा कुर्ता घातला होता. सोनारिका व विकास या दोघांची पहिली भेट जिममध्ये झाली होती. मैत्रीनंतर नात्याचे रुपांतर प्रेमात झाले. ७ वर्षे डेट केल्यानंतर हे जोडपं लग्न करत आहे. (सर्व फोटो - सोनारिका भदोरिया इन्स्टाग्राम)