Photos: अन् ‘दगडू’ला मिळाली खऱ्या आयुष्यातील ‘प्राजू’; लग्नातील प्रथमेश परबच्या हटके पोजने वेधलं लक्ष

आई-बाबा आणि साईबाबांची शप्पथ घेत 'टाइमपास' चित्रपटात प्राजूला पटवणारा दगडू म्हणजेच अभिनेता प्रथमेश परब लग्नबंधनात अडकला आहे. अखेर त्याला खऱ्या आयुष्यातली प्राजू भेटली आहे. (फोटो सौजन्य - प्रथमेश परब इन्स्टाग्राम) आज प्रथमेशने क्षितीजा घोसाळकरशी लग्नगाठ बांधून आयुष्याच्या नव्या प्रवासाला सुरुवात केली आहे.(फोटो सौजन्य - प्रथमेश परब इन्स्टाग्राम) प्रथमेश-क्षितीजाचा लग्नसोहळा थाटामाटात कुटुंबीय आणि जवळच्या मित्रपरिवाराच्या उपस्थित पार पडला. (फोटो सौजन्य - रवी जाधव इन्स्टाग्राम) लग्नातील खास क्षणाचे फोटो शेअर करत प्रथमेशने कॅप्शनमध्ये लिहिलं की, “अखेर लॉकडाऊन लव्हस्टोरीचे हृदय कायमसाठी लॉक झाले.” (फोटो सौजन्य - प्रथमेश परब इन्स्टाग्राम) या फोटोमध्ये प्रथमेश 'टाइमपास' चित्रपटातील त्याची लोकप्रिय पोज देताना दिसत आहे. (फोटो सौजन्य - प्रथमेश परब इन्स्टाग्राम) लग्नासाठी प्रथमेश-क्षितीजाने खास पारंपरिक लूक केला होता. क्षितीजाने पिवळ्या रंगाची नऊवारी साडी नेसली होती, ज्यावर गुलाबी रंगाची शाल घेतली होती. (फोटो सौजन्य - प्रथमेश परब इन्स्टाग्राम) तर प्रथमेशने पांढऱ्या रंगाचा सदरा घातला होता आणि बायको क्षितीजाला मॅचिंग करण्यासाठी त्याने गुलाबी रंगाची धोती परिधान केली होती. याशिवाय प्रथमेशने गुलाबी व पिवळ्या रंगाचा फेटाही बांधला होता. (फोटो सौजन्य - प्रथमेश परब इन्स्टाग्राम) प्रथमेशच्या लग्नाला दिग्दर्शक रवी जाधव, सिद्धार्थ जाधव यांच्यासह अनेक कलाकार मंडळींनी हजेरी लावली होती. (फोटो सौजन्य - रवी जाधव इन्स्टाग्राम) सध्या प्रथमेश व क्षितीजावर शुभेच्छांचा वर्षाव होतं आहे. (फोटो सौजन्य - रवी जाधव इन्स्टाग्राम)