‘असा’ पार पडला तितीक्षा तावडेचा साखरपुडा! अंगठीने वेधलं लक्ष, पाहा सुंदर फोटो…

तितीक्षा तावडे व सिद्धार्थ बोडके यांचा साखरपुडा नुकताच पार पडला. सिद्धार्थ-तितीक्षाने काही दिवसांपूर्वीच इन्स्टाग्रामवर केळवणाचा फोटो शेअर करत प्रेमाची जाहीर कबुली दिली होती. दोघांच्या साखरपुड्याला नातेवाईक, कुटुंबीय आणि जवळचे मित्र-मैत्रिणी उपस्थित होते. तितीक्षा तावडे व सिद्धार्थ बोडके यांनी २५ फेब्रुवारीला गुपचूप साखरपुडा उरकत चाहत्यांना सुखद धक्का दिला. दोघांनी समारंभातील सुंदर फोटो इन्स्टाग्रामवर शेअर केले आहेत. तितीक्षाने या साखरपुड्यात फिकट जांभळ्या रंगाची ( लेव्हेंडर ) डिझाइनर साडी नेसली होती. तसेच सिद्धार्थने साखरपुड्यात पांढऱ्या रंगाची शेरवानी परिधान केल्याचं या फोटोंमध्ये पाहायला मिळत आहे. तितीक्षाची साधी अन् सुंदर हिऱ्याची अंगठी सर्वांच्या पसंतीस उतरली आहे. साखरपुड्याच्या फोटोंना या जोडप्याने ‘Forever with my best friend’ असं कॅप्शन दिलं आहे. दरम्यान, सध्या मराठी कलाविश्वातून या दोघांवर शुभेच्छांचा वर्षाव करण्यात येत आहे. ( सर्व फोटो सौजन्य : तितीक्षा तावडे इन्स्टाग्राम व Shutter Key Film )