नऊवारी साडी, मुहूर्तमणी अन्…; लग्नात तितीक्षा तावडेने केला खास लूक, गळ्यातील मंगळसूत्राने वेधलं लक्ष

‘सातव्या मुलीची सातवी मुलगी’ फेम अभिनेत्री तितीक्षा तावडे आणि ‘दृश्यम २’ फेम अभिनेता सिद्धार्थ बोडके यांचा लग्नसोहळा नुकताच पार पडला. दोघांच्या लग्नाला सिनेसृष्टीतील अनेक कलाकारांनी उपस्थिती लावली होती. तितीक्षाने लग्नात खास पारंपरिक लूक केला होता. अभिनेत्रीच्या सुंदर अशा लूकची सध्या सोशल मीडियावर चर्चा रंगली आहे. तितीक्षाने लग्नात ऑफ व्हाइट रंगाची नऊवारी साडी नेसली होती. तसेच सिद्धार्थ बोडकेने लग्नात बायकोच्या साडीला मॅचिंग असा सदरा परिधान केला होता. लग्नाच्या फोटोंमध्ये तितीक्षाच्या गळ्यातील सुंदर मुहूर्तमणी व आकर्षक मंगळसूत्राने सर्वांचं लक्ष वेधून घेतलं. यामध्ये काळे मणी व दोन डवल्या आहेत. तितीक्षाच्या पारंपरिक मंगळसूत्राला खास मॉर्डन टच देण्यात आला आहे. दरम्यान, सध्या सर्वत्र तितीक्षा-सिद्धार्थच्या लूकची चर्चा रंगली असून कलाविश्वातून या जोडप्यावर शुभेच्छांचा वर्षाव करण्यात येत आहे. ( सर्व फोटो सौजन्य : तितीक्षा-सिद्धार्थ इन्स्टाग्राम/ 'द शटर की' )