Photos: ‘जीव माझा गुंतला’ फेम अभिनेत्रीने बांधली लग्नगाठ; मंगळसूत्राच्या डिझाईनची होतेय चर्चा

कलर्स मराठीवरील 'जीव माझा गुंतला' फेम अभिनेत्री योगिता चव्हाणने काल (३ मार्च) रोजी अभिनेता सौरभ चौघुलेबरोबर लग्नगाठ बांधली. २०२१ मध्ये प्रेक्षकांच्या भेटीला आलेल्या 'जीव माझा गुंतला' या मालिकेत योगिता आणि सौरभने प्रमुख भूमिका साकारली होती. योगिता आणि सौरभने लग्नसोहळ्यातील काही फोटो आणि व्हिडीओ सोशल मीडियावर शेअर केले आहेत. लग्नसोहळ्यासाठी योगिताने गडद गुलाबी रंगाची सुंदर नऊवारी साडी नेसली आहे. सौरभने लग्नसोहळ्यासाठी पांढऱ्या रंगाचा कुर्ता सेट परिधान केला आहे. सध्या चाहत्यांमध्ये योगिताच्या मंगळसूत्राच्या डिझाईनची चर्चा होत आहे. लग्नातील फोटोंना योगिता आणि सौरभने 'Forever Humsafar' असे कॅप्शन दिले आहे. योगिता आणि सौरभच्या लग्नाला मराठी चित्रपटसृष्टीतील बऱ्याच कलाकारांनी हजेरी लावली होती. योगिता आणि सौरभच्या या फोटोंवर चाहत्यांसह सेलिब्रिटींनी शुभेच्छांचा वर्षाव केला आहे. (सर्व फोटो सौजन्य : योगिता चव्हाण आणि सौरभ चौघुले/इन्स्टाग्राम) (हेही पाहा : अबोली रंगाच्या पैठणी साडीत रिंकू राजगुरूचं फोटोशूट; 'या' मराठी अभिनेत्रीने केली खास कमेंट)