Photos: लग्नानंतर पूजा सावंतने नवऱ्याबरोबर समुद्र किनारी लुटला आनंद, अभिनेत्रीच्या बिकिनी लूकने वेधलं लक्ष

‘कलरफुल’ अभिनेत्री अशी ओळख असणारी पूजा सावंत हिच २८ फेब्रुवारीला लग्न झालं. सिद्धेश चव्हाण याच्याशी पूजाने लग्नगाठ बांधली. मोठ्या थाटामाटात पूजा व सिद्धेशचा लग्नसोहळा पार पडला. साखरपुडा, व्याही जेवण, संगीत, मेहंदी, हळद आणि सप्तपदी असा समारंभपूर्वक लग्नसोहळा पूजा सावंतचा पाहायला मिळाला. लग्न झाल्यानंतर सत्यनारायणची पूजा व देवदर्शन हे सर्वकाही पार पडल्यानंतर पूजा व सिद्धेश हनिमूनला जाताना पाहायला मिळाले. यासंबंधित फोटो, व्हिडीओ सोशल मीडियावर खूप व्हायरल झाले होते. अजूनही पूजा व सिद्धेश हनिमून एन्जॉय करताना दिसत आहेत. काल (१७ मार्च) पूजाने बीचवरील नवऱ्याबरोबर आनंद लुटतानाचे फोटो सोशल मीडियावर शेअर केले. या फोटोमधील पूजाच्या बिकिनी लूकने सगळ्यांचं लक्ष वेधून घेतलं आहे. काही जणांना पूजाचा हा बिकिनी लूक आवडला असून काही जण त्यावर टीका करताना दिसत आहेत. कलरफुल प्रिंटेड बिकिनी आणि त्यावर लीननचा पांढरा शर्ट अशा लूकमध्ये पूजा दिसत आहे. या फोटोमध्ये पूजा समुद्रांच्या लाटांचा आनंदा लुटताना पाहायला मिळत आहे. पूजाचा नवरा सिद्धेशने तिला मॅच करण्यासाठी पांढरे कपडे घातले होते; ज्यावर गॉगल लावला होता. सर्व फोटो सौजन्य - पूजा सावंत इन्स्टाग्राम