अरे देवा! होळी पार्टीमुळे अंकिता लोखंडे होतेय ट्रोल; नेटकरी म्हणतात, “होळीमध्ये इतके…”

दरवर्षी प्रमाणेच यंदाही मनोरंजन विश्वातील कलाकारांनी अतिशय धुमधडाक्यात होळीचा सण साजरा केला. बिगबॉस १७मुळे चर्चेत आलेली अभिनेत्री अंकिता लोखंडेने आपल्या मित्रपरिवारासाठी होळी पार्टीचे आयोजन केले होते. अंकिताने पती विकी जैनसह 'अनवी की रासलीला' या होळी पार्टीचे आयोजन केले होते. यासाठी तिने सुंदर पेहराव केला होता. अंकिताने पांढऱ्या रंगाचा घेरदार अनारकली ड्रेस घातला होता. त्यावर तिने आकर्षक गॉगल घातला होता. यावेळी अंकिताने नाचण्याचा मनमुराद आनंद लुटला. यासंबंधीचे फोटो तिने सोशल मीडियावर शेयर केले होते. या पार्टीमध्ये ती पती विकी जैनबरोबर रोमँटिक होताना दिसली. दोघेही यावेळी अतिशय क्यूट दिसत होते. या पार्टीला मनोरंजन विश्वातील अनेक कलाकार सहभागी झाले होते. दरम्यान, अंकिताने घातलेल्या कपड्यांवरून तिला ट्रॉलिंगचा सामना करावा लागला. अंकिताने यावेळी दोन ड्रेस घातले होते. सुरुवातीला तिने पांढऱ्या रंगाचा अनारकली ड्रेस घातला होता. त्यानंतर तिने पांढऱ्या रंगाचा क्यूट स्कर्ट टॉप घातला होता. होळी खेळताना इतके कपडे बदलतं असं म्हणत नेटकऱ्यांनी अंकिताला ट्रोल केलं आहे. दरम्यान, नुकतंच अंकिता 'सावरकर' या चित्रपटातून प्रेक्षकांच्या भेटीला आली असून तिच्या अभिनयाचे सर्वच कौतुक करत आहेत. (सर्व फोटो : अंकिता लोखंडे)