Photos : ‘जीव माझा गुंतला’ फेम योगिता चव्हाणने लग्नात ‘अशी’ जपली आईची आठवण, सांगितला भावुक किस्सा

'जीव माझा गुंतला' फेम अभिनेत्री योगिता चव्हाण व अभिनेता सौरभ चौघुले यांचा विवाहसोहळा ३ मार्चला थाटामाटात पार पडला. या दोघांच्या लग्नाला कलाविश्वातील बऱ्याच कलाकारांनी उपस्थिती लावली होती. योगिताने नुकत्याच दिलेल्या एका मुलाखतीत तिच्या लग्नातील आईबद्दलचा भावुक किस्सा सांगितला. काही दिवसांपूर्वीच या जोडप्याने सोशल मीडियावर त्यांच्या लग्नातील एक खास व्हिडीओ शेअर केला होता. या व्हिडीओमध्ये योगिता तिच्या आईच्या आठवणीत भावुक झाल्याचं पाहायला मिळालं होतं. लग्नात एका खासप्रकारे अभिनेत्रीने तिच्या आईची आठवण जपली होती. योगिताच्या लग्नात डोक्यावर धरलेल्या फुलांच्या चादरीत तिच्या आईचा शालू होता. या शालूच्या रंगाला मॅचिंग साडी अभिनेत्रीने लग्नात नेसली होती. योगिताने खास डिझायनरला सांगून सारख्या रंगाची साडी बनवून घेतली होती. योगिताला या सुंदर वेडिंग लूकमध्ये पाहून भारावून गेल्याचं यावेळी सौरभने सांगितलं. ( सर्व फोटो सौजन्य : योगिता चव्हाण इन्स्टाग्राम व @ a9ragphotography)