प्रसिद्ध अभिनेत्याच्या मुलीचं लग्न थाटात पडलं पार, चार्टर्ड अकाउंटंट आहे जावई, पाहा सोहळ्याचे Photos

प्रसिद्ध मल्याळम अभिनेते जयाराम यांची मुलगी मालविकाचं लग्न झालं आहे. मालविकाच्या लग्नाचे फोटो सोशल मीडियावर व्हायरल होत आहेत. मालविकाने ब्रिटनमधील चार्टर्ड अकाउंटंट नवनीत गिरीशशी लग्नगाठ बांधली आहे. केरळमधील गुरुवायुर मंदिरात मालविका व नवनीतचं लग्न झालं. ३२ वर्षांपूर्वी जयाराम व त्यांची पत्नी पार्वती यांनी याच मंदिरात लग्न केलं होतं. याच मंदिरात पारंपरिक मल्याळम पद्धतीने मालविका व नवनीतचं लग्न झालं. या जोडप्याच्या लग्नात दोन्ही कुटुंबातील जवळचे लोक उपस्थित होते. लग्नात मालविकाने लाल रंगाची साडी नेसली होती, तर नवनीतने पारंपरिक कपडे परिधान केले होते. या जोडप्याच्या लग्नाचे फोटो व व्हिडीओ सोशल मीडियावर व्हायरल होत आहेत. मालविका व नवनीतच्या लग्नाला भाजपा नेते सुरेश गोपी यांनी हजेरी लावली होती. २८ वर्षांची मालविका ही जयाराम यांची धाकटी लेक आहे. वेल्समधून स्पोर्ट्स मॅनेजमेंटमध्ये पदव्युत्तर पदवी घेतलेल्या मालविकाला मॉडेलिंगची आवड आहे. मालविका आणि नवनीत यांची गेल्या वर्षी डिसेंबरमध्ये एंगेजमेंट झाली होती. मालविका व नवनीतची एंगेजमेंट ख्रिश्चन पद्धतीने झाली होती. एंगेजमेंटनंतर या जोडप्याने सुंदर फोटो शेअर केले होते. नवविवाहित मालविका व नवनीत यांच्यावर चाहते शुभेच्छांचा वर्षाव करत आहेत. या लग्नातील जयाराम यांचे फॅमिली फोटो चर्चेत आहेत. (सर्व फोटो - मालविका व व्हाइटलाइन फोटोग्राफी इन्स्टाग्राम)