Photos: लेकाच्या वाढदिवसानिमित्त आदेश बांदेकर यांनी शेअर केले सोहमच्या बालपणीचे फोटो

झी मराठी वाहिनीवरील 'होम मिनिस्टर' या कार्यक्रमातून अभिनेते आदेश बांदेकर घराघरात लोकप्रिय झाले. काल, ७ मे रोजी आदेश यांचा लेक सोहमचा वाढदिवस होता. सोहमच्या वाढदिवसानिमित्त आदेश यांनी सोशल मीडियावर त्यांच्या बालपणीचे फोटो शेअर केले आहेत. 'प्रिय सोहम वाढदिवसाच्या मनापासून शुभेच्छा… अल्बम आठवणींचा' असे कॅप्शन आदेश यांनी या फोटोंना दिले आहे. सोहमच्या या फोटोंवर चाहत्यांनी शुभेच्छांचा वर्षाव केला आहे. स्टार प्रवाह वाहिनीवरील 'नवे लक्ष्य' या कार्यक्रमातून सोहमने छोट्या पडद्यावर पदार्पण केले. या मालिकेत सोहमने पोलीस अधिकाऱ्याची भूमिका साकारली होती. सोहमने 'बाईपण भारी देवा' या चित्रपटात पाहुण्या कलाकाराची भूमिका साकारली होती. अभिनयाच्या जोरावर सोहमने आपली वेगळी ओळख निर्माण केली आहे. सोहम सध्या आदेश व सुचित्रा यांचे 'सोहम प्रोडक्शन हाऊस' सांभाळत आहे. (सर्व फोटो सौजन्य : आदेश बांदेकर/इन्स्टाग्राम) (हेही पाहा : 'तुझ्या रंगी सांज रंगली..'; मन धागा धागा जोडते नवा मालिकेतील आनंदीचा क्युट अंदाज)