IND vs PAK : भारताच्या विजयानंतर अमृता फडणवीसांचा आनंद गगनात मावेना! लेकीसह न्यूयॉर्कमधून शेअर केला व्हिडीओ

रविवारी ९ जूनला भारत विरुद्ध पाकिस्तान सामना न्यूयॉर्कमध्ये खेळवण्यात आला. हा सामना पाहण्यासाठी राज्याचे उपमुख्यमंत्री देवेंद्र फडणवीस यांच्या पत्नी अमृता फडणवीस न्यूयॉर्कला पोहोचल्या होत्या. यावेळी त्यांची लेक दिविजा देखील स्टेडियममध्ये उपस्थित होती. अमृता फडणवीस यांनी त्यांच्या इन्स्टाग्राम अकाऊंटवर भारत विरुद्ध पाकिस्तान सामन्यादरम्यानचे फोटो आणि व्हिडीओ शेअर केले आहेत. भारताच्या विजयानंतर सगळ्या क्रिकेटप्रेमींनी एकत्र मिळून जल्लोष केल्याचं यावेळी पाहायला मिळालं. टीम इंडियाने सामना जिंकल्यावर अमृता फडणवीस यांचा आनंद देखील गगनात मावेनासा झाला होता. या फोटोंमध्ये अमृता फडणवीस लेक दिविजा आणि आपल्या मित्र-मैत्रिणींसह सामन्याचा आनंद घेत असल्याचं पाहायला मिळत आहे. भारताने या स्पर्धेच्या इतिहासात सातव्यांदा पाकिस्तानला पराभूत केलं आहे. या सामन्यात टीम इंडियाचा अनुभवी गोलंदाज जसप्रीत बुमराह भारताच्या विजयाचा शिल्पकार ठरला. ( सर्व फोटो सौजन्य : अमृता फडणवीस इन्स्टाग्राम )