सोनाक्षी सिन्हाच्या होणाऱ्या नवऱ्याने सलमान खानच्या ‘या’ चित्रपटातून केली होती बॉलीवूडमध्ये एन्ट्री, जाणून घ्या एकूण संपत्ती

‘हीरामंडी’ फेम अभिनेत्री सोनाक्षी सिन्हा सध्या चर्चेत आहे. मीडिया रिपोर्ट्सनुसार, सोनाक्षी झहीर इक्बालसोबत लग्नगाठ बांधणार आहे. ज्येष्ठ अभिनेते शत्रुघ्न सिन्हा यांची मुलगी सोनाक्षी सिन्हा लवकरच तिचा बॉयफ्रेंड आणि अभिनेता झहीर इक्बालसोबत मुंबईत लग्न करणार आहे. अनेक मीडिया रिपोर्ट्समध्ये सांगण्यात आले आहे की २३ जून रोजी मुंबईत दोघे लग्नबंधनात अडकणार आहेत. दरम्यान, आज आपण झहीर इक्बाल आणि त्याच्या लक्झरी जीवनशैलीविषयी जाणून घेणार आहोत. १० डिसेंबर १९८८ रोजी मुंबईतील एका मोठ्या उद्योगपतीच्या कुटुंबात झहीर इक्बालचा जन्म झाला. मुंबईतच त्याने आपले शालेय शिक्षण पूर्ण केले. झहीरचे वडील इक्बाल रतनसी हेही ज्वेलर्स आहेत. इतकंच नाही तर त्यांची सलमान खानशी घट्ट मैत्री आहे. झहीरची आई गृहिणी आहे. झहीरला एक बहीण आणि एक लहान भाऊ आहे. झहीर इक्बालने २०१९ मध्ये सलमान खानच्या 'नोटबुक' या चित्रपटातून बॉलिवूडमध्ये पदार्पण केले. या चित्रपटात अभिनेत्री नूतनची नात प्रनूतन बहल त्याच्यासोबत दिसली होती. याशिवाय त्याने २०१४ मध्ये प्रदर्शित झालेल्या 'जय हो' चित्रपटात सहाय्यक दिग्दर्शक म्हणूनही काम केले आहे. डीएनएच्या रिपोर्टनुसार, झहीर इक्बाल स्वतः त्याच्या कुटुंबाच्या मालमत्तेव्यतिरिक्त एक ते दोन कोटी रुपयांचा मालक आहे. चित्रपटांव्यतिरिक्त, तो ब्रँड एंडोर्समेंटमधून देखील चांगली कमाई करतो. झहीर इक्बाल आतापर्यंत कमी चित्रपटांमध्ये दिसला असला तरीही त्याची जीवनशैली खूपच विलासी आहे. त्याच्याकडे मर्सिडीज बेंझ एम-क्लास यासारखी आलिशान कार देखील आहे. मीडिया रिपोर्ट्सनुसार, सोनाक्षी आणि झहीर या महिन्याच्या २३ तारखेला मुंबईतच लग्न करणार आहेत. दरम्यान, सोनाक्षी सिन्हा नुकत्याच प्रदर्शित झालेल्या 'हिरामंडी' या वेबसिरीजमध्ये दिसली होती. यामध्ये तिने 'फरीदान'ची भुमिका बजावली. सोनाक्षीच्या अभिनयासाठी चाहत्यांनी तिचे कौतुक केले.