सोनाक्षी सिन्हाने लग्नात नेसली आईची साडी, तर रिसेप्शनच्या लाल बनारसी साडीची किंमत फक्त…

अभिनेत्री सोनाक्षी सिन्हा व तिचा बॉयफ्रेंड झहीर इक्बाल रविवारी (२३ जून) लग्नबंधनात अडकले. सोनाक्षी व झहीर यांनी नोंदणी पद्धतीने लग्न केलं. विशेष विवाह कायद्यांतर्गत दोघांनी आंतरधर्मीय लग्न केलं. रविवारी संध्याकाळी बॅस्टियन रेस्टॉरंटमध्ये दोघांच्या रिसेप्शन सोहळ्याचं आयोजन करण्यात आलं होतं. सोनाक्षी सिन्हा व झहीर इक्बाल त्यांच्या रिसेप्शनमध्ये खूपच सुंदर दिसत होते. सोनाक्षीने रिसेप्शनसाठी लाल रंगाची बनारसी साडी नेसली होती. तर एक नेकलेस व कानातले घालून तिने तिचा लूक पूर्ण केला. केसात गजरा, भांगेत कुंकू आणि साध्या मेकअपमध्ये सोनाक्षी खूपच सुंदर दिसत होती. तर झहीरने पांढरी शेरवानी घातली होती. सोनाक्षीने तिच्या रिसेप्शनमध्ये नेसलेल्या लाल बनारसी साडीची किंमत समोर आली आहे. तिने नेसलेली साडी ही फार महाग नव्हती. सोनाक्षी सिन्हाच्या साडीची किंमत ८० हजार रुपये आहे. सोनाक्षीने लग्नातही तिच्या आईच्या लग्नातील ४४ वर्षे जुनी साडी नेसली होती. सोनाक्षी लग्न व रिसेप्शन लूकची खूप चर्चा होत आहे. (सर्व फोटो - फिल्मीज्ञान व इन्स्टंट बॉलीवूड इन्स्टाग्राम)