Photos: ‘तू भेटशी नव्याने’ मालिकेतील शिवानी सोनारने शेअर केले सेटवरील खास फोटो

सोनी मराठी वाहिनीवरील 'तू भेटशी नव्याने' या मालिकेची उत्सुकता दिवसेंदिवस वाढत चालली आहे. नुकताच या मालिकेचा एक प्रोमो प्रेक्षकांच्या भेटीला आला आहे. मालिकाविश्वात ए आयवर आधारित असलेली ही जगभरातली पहिलीच मालिका आहे. या मालिकेत अभिनेत्री शिवानी सोनार 'गौरी'ची भूमिका साकारणार आहे. या मालिकेत शिवानी आणि सुबोध भावे यांची नवी कोरी जोडी प्रेक्षकांना पाहता येणार आहे. शिवानीच्या यापूर्वीच्या व्यक्तिरेखांवर प्रेक्षकांनी भरपूर प्रेम केले आहे. शिवानीने इन्स्टाग्रामवर मालिकेच्या सेटवरील काही खास फोटो शेअर केले आहेत. या फोटोंमध्ये शिवानीने गुलाबी रंगाचा ड्रेस परिधान केला आहे. ही मालिका ८ जुलैपासून रात्री ९ प्रेक्षकांच्या भेटीला येणार आहे. काही दिवसांपूर्वी मालिकेच्या सेटवर चित्रीकरणाची सुरुवात करत मुहूर्त पार पडला होता. (सर्व फोटो सौजन्य : शिवानी सोनार/इन्स्टाग्राम) (हेही पाहा : सई लोकूरने शेअर केले लेकीच्या अन्नप्राशन समारंभातील खास फोटो)