Photos: नीता अंबानींची सोन्याच्या तारेने वर्क केलेली बनारसी साडी चर्चेत, पदरावर लिहिला आहे खास मंत्र

मुलगा अनंत अंबानीच्या लग्नाआधी मुकेश अंबानी व नीता अंबानी यांनी ५० गरीब जोडप्यांचं लग्न लावून दिलं. २ जुलैला या सामूहिक विवाह सोहळ्याचं आयोजन पालघरमध्ये करण्यात आलं होतं. मोठ्या थाटामाटात, पारंपरिक पद्धतीने ५० जोडप्यांचा सामूहिक विवाह सोहळा पार पडला होता. अंबानींनी आयोजित केलेल्या या सामूहिक विवाह सोहळ्यासाठी नीता अंबानींनी खास बनारसी साडी नेसली होती. लाल रंगाच्या बनारसी साडीमध्ये नीता अंबानी खूपच सुंदर दिसत होत्या. त्यामुळे सध्या त्यांची लाल रंगाची ही बनारसी साडी चर्चेत आली आहे. नीता अंबानींच्या लाल रंगाच्या बनारसी साडीवर सोन्याची तार आणि एम्ब्रॉयडरीने वर्क केलं आहे. तसंच या बनारसी साडीवर पक्ष्यांचं डिझाइन आहे. विशेष म्हणजे नीता अंबानींच्या या साडीच्या पदराने सगळ्यांचं लक्ष वेधून घेतलं आहे. नीता अंबानींच्या या बनारसी साडीच्या पदरावर खास मंत्र लिहिलेला आहे. या लाल रंगाच्या बनारसी साडीवर गायत्री मंत्र लिहिला आहे. नीता अंबानींनी या बनारसी साडीवर केसात गजरा, सुंदर हार, कानातले घातल्यामुळे त्यांचं सौंदर्य आणखीनच खुलून आलेलं पाहायला मिळत आहे. सर्व फोटो सौजन्य - पीटीआय आणि जनसत्ता