‘मिर्झापूर 3’साठी पंकज त्रिपाठी यांनी घेतले सर्वाधिक मानधन? जाणून घ्या कोणाची किती फी

'मिर्झापूर' या बहुप्रतिक्षित वेब सिरीजचा सीझन 5 जुलै रोजी OTT प्लॅटफॉर्म Amazon Prime Video वर प्रदर्शित होत आहे. यामध्ये पुन्हा एकदा चुरशीची लढत पाहायला मिळणार आहे. गुरमीत सिंग आणि आनंद अय्यर दिग्दर्शित या वेबसिरीजमध्ये पंकज त्रिपाठी, अली फजल, श्वेता त्रिपाठी शर्मा, रसिका दुग्गल आणि विजय वर्मा हे कलाकार पुन्हा एकदा आमनेसामने दिसणार आहेत. आत्तापर्यंत दोन्ही मालिकेतील सर्व कलाकारांनी आपल्या दमदार अभिनयाने प्रेक्षकांची मने जिंकली होती. तिसऱ्या सीझनमध्येही भरपूर मनोरंजन होईल, अशी अपेक्षा आहे. अशा परिस्थितीत या मालिकेसाठी कोणत्या अभिनेत्याने किती फी घेतली हे जाणून घेऊया. कालेन भैया म्हणजेच पंकज त्रिपाठी यांनी मिर्झापूर ३ साठी सर्वाधिक रक्कम घेतली असल्याची बातमी आहे. मीडिया रिपोर्ट्सनुसार त्यांना या सिरीजसाठी 10 कोटी रुपये मानधन मिळाले आहे. गुड्डू पंडित म्हणजेच अली फजलला प्रति एपिसोड १२ लाख रुपये मिळाले आहेत. श्वेता त्रिपाठी या मालिकेत गोलूची भूमिका साकारत आहे. तिला प्रति एपिसोड सुमारे 2.20 लाख रुपये मिळाले. मीडिया रिपोर्ट्सनुसार, मिर्झापूर सीरिजमध्ये बीना त्रिपाठीची भूमिका साकारणाऱ्या रसिका दुग्गलने प्रति एपिसोड 2 लाख रुपये घेतले आहेत. दरम्यान, प्रदर्शनाच्या दिवशी ही वेबसिरीज सर्व रेकॉर्ड मोडणार यांची सर्वांनाच खात्री आहे.