सुंदर बाल्कनी, प्रशस्त हॉल, हटके नेमप्लेट अन्…; ‘ठिपक्यांची रांगोळी’ फेम अभिनेत्याने ‘असं’ सजवलं नवीन घर, पाहा फोटो

‘ठिपक्यांची रांगोळी’ या मालिकेतून अभिनेता चेतन वडनेरे घराघरांत लोकप्रिय झाला. चेतनने या मालिकेत शशांक हे पात्र साकारलं होतं. मालिका संपल्यावरही त्याची लोकप्रियता कायम आहे. चेतनने एप्रिल महिन्यात लग्नगाठ बांधत नव्या संसाराला सुरुवात केली होती. लग्नानंतर बरोबर तीन महिन्यांनी नवीन घर घेत अभिनेत्याने आपल्या चाहत्यांना आनंदाची बातमी दिली आहे. चेतनचं हे नवीन घर नाशिकमध्ये आहे. नव्या घराची झलक अभिनेत्याने सोशल मीडियावर शेअर केली आहे. “घर हे माझे आनंदाचे, दाराशी सुरेख नक्षी…नाशिकचं नवीन घर Nashik New Home” असं कॅप्शन देत चेतनने त्याच्या नव्या घराची संपूर्ण झलक चाहत्यांना दाखवली आहे. चेतनच्या नव्या घराच्या दारावर लावलेली नेमप्लेट सर्वांचं लक्ष वेधून घेते. कोणाचंही नाव न लिहिता अभिनेत्याने या नेमप्लेटवर ‘वडनेरे’ हे आडनाव लिहिलं आहे. घरात प्रवेश करताच प्रशस्त असा हॉल पाहायला मिळतो. अभिनेत्याच्या घरातील मॉर्डन इंटिरियरने सर्वांचं लक्ष वेधून घेतलं आहे. चेतनने शेअर केलेल्या फोटोंमध्ये प्रशस्त हॉल, मॉर्डन किचन, बेडरुम यांची झलक पाहायला मिळते. अभिनेत्याच्या नव्या घरात सुंदर अशी बाल्कनी आहे. या बाल्कनीत वारली पेटिंग काढण्यात आलं आहे. चेतनच्या घरातून सुंदर असा व्ह्यू पाहायला मिळतो. ( सर्व फोटो सौजन्य : चेतन वडनेरे इन्स्टाग्राम )