Honeymoon Photos: थायलंडच्या समुद्रकिनाऱ्यावर मनसोक्त भिजले ‘अक्षरा व अधिपती’; पाहा शूटिंग दरम्यानचे खास फोटो

झी मराठीवरील 'तुला शिकवीन चांगलाच धडा' (Tula Shikvin Changlach Dhada) या मालिकेत 'हनीमून विशेष' भाग सुरू आहे. या मालिकेतील 'अक्षरा व अधिपती' (Akshara-Adhipati) हनीमूनसाठी थायलंडला (Thailand) गेले आहेत. अभिनेत्री शिवानी रांगोळे (Shivani Rangole Kulkarni) व अभिनेता ऋषिकेश शेलारने (Hrishikesh Shelar) थायलंडमधील काही फोटो सोशल मीडियावर शेअर केले आहेत. थायलंडच्या समुद्रकिनाऱ्यावर ऋषिकेश व शिवानीने मनसोक्त भिजण्याचा आनंद घेतला आहे. थायलंडमधील क्राबी (Krabi) या ठिकाणी मालिकेचं शूटिंग करण्यात आले आहे. थायलंडमध्ये 'अक्षरा व अधिपती'चं नातं खुलताना दिसत आहे. 'अक्षरा व अधिपती'वर थायलंडमध्ये एका गाण्याचं शूटिंग करण्यात आले आहे. "चाहूल प्रेमाची लागणार, क्षण हळूवार खुलणार...!" असे 'अक्षरा व अधिपती'च्या गाण्याचं बोल आहेत. (सर्व फोटो सौजन्य : ऋषिकेश शेलार/इन्स्टाग्राम) (हेही पाहा : 'अशी बायको भेटायला...'; सारं काही तिच्यासाठीमधील 'निशी'च्या पावसाळ्यातील फोटोशूटवर कमेंट्सचा वर्षाव)