ऐश्वर्या राय बच्चन ते आलिया भट्ट; ‘या’ बॉलिवूड अभिनेत्रींचं शिक्षण आहे तरी किती? जाणून घ्या…

बॉलीवूडच्या स्टार अभिनेत्रींपैकी एक आणि मंडीतील भाजप खासदार कंगना रणौत १२वीत नापास झाली आहे. अभिनेत्रीच्या कुटुंबीयांची इच्छा होती की तिने डॉक्टर व्हावे पण १२वीत नापास झाल्यानंतर तिने पुढील शिक्षण सोडले. बॉलिवूडची सुपरस्टार अभिनेत्री करिश्मा कपूर सध्या चित्रपटांपासून दूर आहे. अभिनेत्री केवळ ५वी पास आहे, त्यानंतर तिने अभिनयासाठी शिक्षण सोडले. ऐश्वर्या राय बच्चननेही मॉडेलिंग आणि अभिनयासाठी आपले शिक्षण अर्धवट सोडले आहे. अभिनेत्रीने रचना संसद अकादमी ऑफ आर्किटेक्चरमधून पदवीसाठी प्रवेश घेतला होता, परंतु तिने पुढे अभिनयासाठी तिचे शिक्षण अर्धवट सोडले. आलिया भट्टने अभिनयासाठी १२वी नंतरचे शिक्षण सोडले. काजोलने शाळेत असतानाच तिचा अभ्यास सोडला होता. या अभिनेत्रीने वयाच्या अवघ्या १६ व्या वर्षी चित्रपटांमध्ये काम करण्यास सुरुवात केली होती. वयाच्या १४ व्या वर्षी रेखाने शाळा सोडली आणि यानंतर ती अभिनयाच्या दुनियेत आली. बॉलीवूडचा 'दबंग खान' म्हणजेच सलमान खान याने देखील अभिनयासाठी आपले कॉलेज सोडले. रणबीर कपूरनेही दहावीपर्यंतच शिक्षण घेतले आहे. यानंतर त्याने शिक्षण सोडले. मात्र, नंतर त्यांनी न्यूयॉर्कमधून फिल्म मेकिंगचा डिप्लोमा केला.