Photos: ‘शेती ईकायची नसते तर…’; प्रवीण तरडे यांनी कुटुंबाबरोबर केली शेतात भात लावणी

मराठी अभिनेते व दिग्दर्शक प्रवीण तरडे (Pravin Tarde) सध्या सोशल मीडियावर चर्चेत आहेत. प्रवीण यांनी दिग्दर्शन केलेला 'धर्मवीर २' (Dharmaveer 2) हा चित्रपट लवकरच प्रेक्षकांच्या भेटीला येणार आहे. नुकतीच प्रवीण यांनी आपल्या कुटुंबाबरोबर शेतात भात लावणी केली आहे. भात लावणी करतानाचे काही फोटो व व्हिडीओ प्रवीण यांनी चाहत्यांबरोबर शेअर केले आहेत. या फोटोंना प्रवीण यांनी 'शेती ईकायची नसते तर राखायची असते.. राखलेली शेती अशी कसायची असते..' असे कॅप्शन दिले आहे. शेतात लावणी पद्धतीने भाताची लागवड करण्यात येते. प्रवीण यांच्या सर्व चित्रपटांना प्रेक्षकांचा उदंड प्रतिसाद मिळतो. प्रवीण हे मराठी चित्रपटसृष्टीतील सर्वाधिक मानधन घेणारे कलाकार आहेत. (सर्व फोटो सौजन्य : प्रवीण तरडे/इन्स्टाग्राम) (हेही पाहा : दाक्षिणात्य लूकमध्ये फोटोशूट केलेल्या मराठी अभिनेत्रीला ओळखलं का?)