माझ्या Real हिरोईनबरोबर अनुभवलेला पाऊस! प्रथमेश परबचं बायकोसह रोमँटिक फोटोशूट, फोटोंनी वेधलं लक्ष

प्रथमेश परब व त्याची पत्नी क्षितीजा घोसाळकर यांच्या लग्नाला गेल्या महिन्यात पाच महिने पूर्ण झाले. यानिमित्ताने दोघांनीही हटके सेलिब्रेशन केलं. आता प्रथमेश-क्षितीजाने नुकत्याच शेअर केलेल्या काही फोटोंनी सर्वांचं लक्ष वेधून घेतलं आहे. प्रथमेश - क्षितीजाने पावसात ट्विनिंग करत रोमँटिक फोटोशूट केलं आहे. "पाऊस आणि प्रतिजा" असं कॅप्शन देत अभिनेत्याने हे सुंदर फोटो सोशल मीडियावर शेअर केले आहेत. प्रथमेश व क्षितीजा दोघंही वेस्टर्न लूकमध्ये अतिशय सुंदर दिसत आहेत. "चित्रपटामध्ये, ऑनस्क्रीन अनुभवलेला पाऊस आणि real life मध्ये माझ्या real heroin बरोबर अनुभवलेला पाऊस कमालीचा वेगळा आणि विलक्षण होता" असं प्रथमेशने म्हटलं आहे. प्रथमेश - क्षितीजाने एकमेकांना ३ वर्षे तीन डेट केल्यावर यावर्षी फेब्रुवारी महिन्यात लग्नगाठ बांधली. या जोडप्याचा चाहतावर्ग मोठ्या प्रमाणात आहे. सध्या 'प्रतिजा'च्या या रोमँटिक फोटोशूटवर चाहते कौतुकाचा वर्षाव करत आहे. ( फोटो सौजन्य : प्रथमेश परब व @ agnis_click_weddings इन्स्टाग्राम )