Mangalagauri 2024: ‘नवरी मिळे हिटलरला’ मालिकेत पार पडली ‘लीला’ची मंगळागौर; पाहा खास फोटो

१८ मार्चपासून झी मराठी (Zee Marathi) वाहिनीवर 'नवरी मिळे हिटलरला' (Navri Mile Hitlerla) ही मालिका प्रेक्षकांच्या भेटीला आली आहे. ही मालिका अगदी पहिल्या भागापासूनच प्रेक्षकांच्या पसंतीस उतरत आहे. या मालिकेचे दिग्दर्शन चंद्रकांत गायकवाड करत आहेत तर लेखन सायली केदार करत आहे. या मालिकेतील अभिराम जहागीरदार (AJ) व लीलाची केमिस्ट्री प्रेक्षकांना आवडत आहे. लवकरच या मालिकेत 'लीला'ची पहिली मंगळागौर (Mangalagauri 2024) साजरी होणार आहे. अभिनेत्री वल्लरी विराज या मालिकेत 'लीला'ची भूमिका साकारत आहे. मंगळागौरीसाठी जहागीरदार कुटुंबाने जोरदार तयारी केली आहे. जहागीरदार घरातील सगळ्याजणी नऊवारी साडी नेसून दागिने घालून छान तयार झाल्या आहेत. या मंगळागौरीत फक्त खेळ नाही तर रेवतीच्या आयुष्याशी खेळणाऱ्या विक्रांतच ही सत्य सर्वांसमोर येणार आहे. मंगळागौर हा सण नवविवाहित स्त्रियांसाठी प्रामुख्याने साजरा करतात. (सर्व फोटो सौजन्य : झी मराठी/इन्स्टाग्राम) (हेही पाहा : 'आई कुठे काय करते' मालिकेतील 'महाराष्ट्राची सुगरण जोडी' स्पर्धेत कोणी मारली बाजी?)